A
A A A
a A

სიახლეები ყველა სიახლე

  • სასამართლომ ძალაში დატოვა ცესკოს გადაწყვეტილება საზღვარგარეთ კენჭისყრის პროცესის შესახებ

    სასამართლომ ძალაში დატოვა ცესკოს გადაწყვეტილება საზღვარგარეთ კენჭისყრის პროცესის შესახებ

    17 ნოემბერი, 2018

    დღეს თბილისის საქალაქო სასამართლომ ძალაში დატოვა ცენტრალური საარჩევნო კომისიის (ცესკო) გადაწყვეტილება, საზღვარგარეთ არჩევნების დღეს ხმის მიცემის პროცედურების 24:00 საათამდე გაგრძელებასთან დაკავშირებით.შეგახსენებთ, რომ რადგან საქართველოს ფარგლებს გარეთ ვერ გავრცელდება საქართველოს კანონმდებლობა არჩევნების დღის უქმე დღედ გამოცხადებასთან დაკავშირებით, ცესკომ მიიღო გადაწყვეტილება, რომელიც საზღვარგარეთ მყოფ საქართველოს მოქალაქეებს აძლევს მეტ შესაძლებლობას ისარგებლონ საკუთარი კონსტიტუციური უფლებით. კონკრეტულად, საზღვარგარეთ შექმნილი საუბნო საარჩევნო კომისიები იმუშავებენ დამატებით და ხმის მიცემის პროცედურები გაგრძელდება შესაბამისი ქვეყნის ადგილობრივი დროით, არჩევნების დღის 24:00 საათამდე.თბილისის საქალაქო სასამართლოს სარჩელით მიმართეს სადამკვირვებლო ორგანიზაციებმა „საერთაშორისიო გამჭვირვალობა - საქართველომ“ და „სამართლიანი არჩევნებისა და დემოკრატიის საერთაშორისო საზოგადოებამ“ და მოითხოვეს ცესკოს ზემოაღნიშნული გადაწყვეტილების (ცესკოს 2018 წლის 14 ნოემბრის №53/2018დადგენილება) ბათილობა.პროცესი გაიმართა 17 ნოემბერს, 13.00 საათზე და სასამართლოს გადაწყვეტილებით სასარჩელო მოთხოვნა არ დაკმაყოფილდა.

    სრულად
  • საუბნო საარჩევნო კომისიების წევრთა ტრენინგები საქართველოს პრეზიდენტის არჩევნების მეორე ტურისთვის

    საუბნო საარჩევნო კომისიების წევრთა ტრენინგები საქართველოს პრეზიდენტის არჩევნების მეორე ტურისთვის

    17 ნოემბერი, 2018

    საქართველოს პრეზიდენტის 2018 წლის 28 ოქტომბრის არჩევნების მეორე ტურისთვის, ცესკოს სწავლების ცენტრის მიერ შემუშავებული ტრენინგების კონცეფციის შესაბამისად, საუბნო საარჩევნო კომისიების წევრთა გადამზადება განხორციელდება შემდეგი სისტემით: 

    I ეტაპი: საუბნო საარჩევნო კომისიების ხელმძღვანელი პირების (თავმჯდომარე, მოადგილე, მდივანი) სწავლება

     

    სამიზნე ჯგუფი: 3648 საუბნო საარჩევნო კომისიის ხელმძღვანელი პირები

    თემატიკა: ხელმძღვანელი პირების კომპეტენციას მიკუთვნებულ საკითხებს შორის ყურადღება გამახვილდება ხმის დათვლის პროცესზე, კენჭისყრის დღის შემაჯამებელი ოქმის შევსების ინსტრუქციაზე, საარჩევნო დოკუმენტაციის დალუქვის წესზე, კენჭისყრის დღის განცხადება/საჩივრებთან დაკავშირებით საკანონმდებლო რეაგირების მექანიზმებზე, კენჭისყრის დღის ჩანაწერთა წიგნის წარმოებაზე

    ტრენინგის ჩატარების მეთოდოლოგია: პრაქტიკული სწავლება

    ტრენინგის ხანგრძლივობა: 3.00 საათი

    ტრენინგის ჩატარების პერიოდი: 2018 წლის 20-22 ნოემბერი (3 დღე)

    II ეტაპი - საუბნო საარჩევნო კომისიების წევრების სწავლება (თითო კომისიის 9 წევრი)

    სამიზნე ჯგუფი: 3648 საუბნო საარჩევნო კომისიის წევრები

    თემატიკა: ყურადღება გამახვილდება საუბნო საარჩევნო კომისიის წევრთა შორის ფუნქციების განაწილებასა და ამ ფუნქციების შესრულებაზე, რეგისტრატორების მიერ მონაცემთა სისწორის შემოწმების საკითხებზე, ხმის დათვლის პროცესზე, საარჩევნო დოკუმენტაციის დალუქვის წესზე

    ტრენინგის ჩატარების მეთოდოლოგია: პრაქტიკული სწავლება

    ტრენინგის ხანგრძლივობა: 1.00 საათი

    ტრენინგის ჩატარების პერიოდი: 2018 წლის 23-25 ნოემბერი (3 დღე)

    ტრენინგების I ეტაპის გრაფიკები იხილეთ ბმულზე.

    ტრენინგების II ეტაპის გრაფიკები იხილეთ ბმულზე.

    გრაფიკში ცვლილებების განხორციელების შემთხვევაში, ინფორმაცია აისახება დაუყოვნებლივ.

    სრულად
  • ცესკოს კოორდინაციის დაგეგმვისა და ანგარიშგების დეპარტამენტის უფროსს ტოლერანტობის ქომაგის ჯილდო გადაეცა

    ცესკოს კოორდინაციის დაგეგმვისა და ანგარიშგების დეპარტამენტის უფროსს ტოლერანტობის ქომაგის ჯილდო გადაეცა

    16 ნოემბერი, 2018

    ცენტრალური საარჩევნო კომისიის (ცესკოს) კოორდინაციის დაგეგმვისა და ანგარიშგების დეპარტამენტის უფროსს ტოლერანტობის ქომაგის ჯილდო გადაეცა. სოფიო სიჭინავა ტოლერანტობის კულტურის განვითარებაში შეტანილი გამორჩეული წვლილისთვის დაჯილდოვდა. სოფიო სიჭინავამ ღონისძიებაზე სიტყვით გამოსვლისას საარჩევნო ადმინისტრაციის საქმიანობაზე ისაუბრა და ეთნიკური უმცირესობების წარმომადგენლებისთვის განხორციელებულ პროექტებზე გაამახვილა ყურადღება.  ტოლერანტობის საერთაშორისო დღისადმი მიძღვნილ ღონისძიებაზე, საქართველოს სახალხო დამცველთან არსებულმა ტოლერანტობის ცენტრის ეროვნულ უმცირესობათა და რელიგიათა საბჭოებმა, ყოველწლიური ტოლერანტობის ქომაგის ჯილდოს მფლობელები სხვადასხვა სფეროდან გამოავლინეს. დაჯილდოებულთა შორის არიან - სასულიერო პირები, დიპლომატიური მისიების, არასამთავრობო ორგანიზაციებისა და მედია ორგანიზაციების წარმომადგენლები. ღონისძიება სასტუმრო „თბილისი მარიოტში“ საქართველოს სახალხო დამცველთან არსებული ტოლერანტობის ცენტრის და აშშ-ის საერთაშორისო განვითარების სააგენტოს (USAID) მიერ დაფინანსებული საქართველოს გაეროს ასოციაციის (UNAG) ტოლერანტობის, სამოქალაქო ცნობიერებისა და ინტეგრაციის მხარდაჭერის პროგრამის (PITA) ორგანიზებით გაიმართა.

    სრულად
  • საქართველოს პრეზიდენტის არჩევნების მეორე ტური 28 ნოემბერს გაიმართება

    საქართველოს პრეზიდენტის არჩევნების მეორე ტური 28 ნოემბერს გაიმართება

    14 ნოემბერი, 2018

    საქართველოს პრეზიდენტის არჩევნების მეორე ტური მიმდინარე წლის 28 ნოემბერს გაიმართება. განკარგულება მეორე ტურის დანიშვნის შესახებ ცენტრალურმა საარჩევნო კომისიამ დღეს გამართულ სხდომაზე, 2018 წლის 28 ოქტომბრის საქართველოს პრეზიდენტის არჩევნების შედეგების შეჯამების შემდეგ მიიღო.

    სხდომის დასრულების შემდეგ ცესკოს პრეს-სპიკერმა საინფორმაციო ბრიფინგი გამართა. როგორც ანა მიქელაძემ აღნიშნა, კანონმდებლობის თანახმად, არჩევნების დღე არის უქმე დღე. შესაბამისად, მიმდინარე წლის 28 ნოემბერი, ოთხშაბათი, ოფიციალურად არასამუშაო დღეა.

    საქართველოს პრეზიდენტის არჩვენების მეორე ტურში მონაწილეობას იღებს პირველ ტურში საუკეთესო შედეგის მქონე 2 კანდიდატი. შესაბამისად, 28 ნოემბრის არჩევნებისთვის ცესკოს მიერ დღესვე დამტკიცდა საარჩევნო ბიულეტენის ტექსტი. ბიულეტენში იქნება პრეზიდენტობის ორი კანდიდატი: №5 გრიგოლ ვაშაძე და №48 სალომე ზურაბიშვილი.

    არჩევნების მეორე ტური 3 705 საარჩევნო უბანზე ჩატარდება. მათ შორის 55 საარჩევნო უბანი საქართველოს ფარგლებს გარეთ მყოფი საქართველოს მოქალაქეებისთვის იმუშავებს. რაც შეეხება ავღანეთში დისლოცირებულ საქართველოს შეიარაღებულ ნაწილებში მოსამსახურე მოქალაქეებს, მათთვის ავღანეთში საქართველოს პრეზიდენტის არჩევნების მეორე ტური 2 საარჩევნო უბანზე 26 ნოემბერს გაიმართება.

    „იქიდან გამომდინარე, რომ საქართველოს ფარგლებს გარეთ ვერ გავრცელდება საქართველოს კანონმდებლობა არჩევნების დღის უქმე დღედ გამოცხადებასთან დაკავშირებით, ცესკომ მიიღო გადაწყვეტილება, რომელიც საზღვარგარეთ მცხოვრებ ჩვენს თანამოქალაქეებს აძლევს მეტ შესაძლებლობას ისარგებლონ საკუთარი კონსტიტუციური უფლებით. კონკრეტულად, ცესკოს გადაწყვეტილებით, საზღვარგარეთ შექმნილი საუბნო საარჩევნო კომისიები იმუშავებენ დამატებითი დროით და ხმის მიცემის პროცედურები გაგრძელდება შესაბამისი ქვეყნის ადგილობრივი დროით არჩევნების დღის 24:00 საათამდე“, - განაცხადა პრეს-სპიკერმა.

    მისივე ინფორმაციით, დღევანდელ სხდომაზე ცესკომ დაამტკიცა საარჩევნო ღონისძიებათა გრაფიკი, რომელშიც დეტალურად არის აღწერილი საქართველოს პრეზიდენტის არჩევნების მეორე ტურთან დაკავშირებული საქმიანობები და ვადები. საარჩევნო ღონისძიებათა გრაფიკი ხელმისაწვდომი იქნება ყველა დაინტერესებული მხარისთვის ცესკოს ოფიციალურ ვებ-გვერდზე. გარდა ამისა, დღევანდელ სხდომაზე ცესკომ განსაზღვრა მეორე ტურის ბიუჯეტი - სახელმწიფოს მიერ გამოყოფილი თანხის განაწილებისა და გამოყენების წესი.

    სრულად
  • საქართველოს პრეზიდენტის 2018 წლის 28 ოქტომბრის არჩევნების პირველი ტურის შედეგების შემაჯამებელი ოქმი

    საქართველოს პრეზიდენტის 2018 წლის 28 ოქტომბრის არჩევნების პირველი ტურის შედეგების შემაჯამებელი ოქმი

    14 ნოემბერი, 2018
    სრულად

სიახლე