A
A A A
a A

სიახლეები ყველა სიახლე

  • 25 სექტემბერს, 18:00 საათზე ცესკოს სხდომა გაიმართება

    25 სექტემბერს, 18:00 საათზე ცესკოს სხდომა გაიმართება

    25 სექტემბერი, 2018

    პროექტი

    საქართველოს ცენტრალური საარჩევნო კომისიის
    №55 სხდომის
    დღის წესრიგი


    1. განკარგულება
    საქართველოს პრეზიდენტის 2018 წლის 28 ოქტომბრის არჩევნებისათვის საერთაშორისო დამკვირვებელ ორგანიზაციად „ლატვიის რესპუბლიკის ცენტრალური საარჩევნო კომისია“ რეგისტრაციის თაობაზე

    სრულად
  • საქართველოს პრეზიდენტის 2018 წლის 28 ოქტომბრის არჩევნებისთვის შემუშავებული სასწავლო/საინფორმაციო მასალები

    საქართველოს პრეზიდენტის 2018 წლის 28 ოქტომბრის არჩევნებისთვის შემუშავებული სასწავლო/საინფორმაციო მასალები

    24 სექტემბერი, 2018

    არჩევნებში ჩართული მხარეების და საარჩევნო კომისიების წევრთა მიერ საქმიანობის ეფექტიანად წარმართვის ხელშეწყობის მიზნით, სწავლების ცენტრმა შეიმუშავა შესაბამისი სასწავლო და საინფორმაციო ხასიათის თვალსაჩინო მასალა.

    აღნიშნული სასწავლო მასალის ხელმისაწვდომობის უზრუნველყოფის მიზნით, სწავლების ცენტრმა ცესკოსა და საარჩევნო სისტემების საარჩევნო ფონდთან (IFES) თანამშრომლობით განახორციელა მათი თარგმნა ეთნიკური უმცირესობების ენებზე. 

    საერთაშორისო დამკვირვებელი ორგანიზაციების წარმომადგენლების საარჩევნო საკითხებზე ინფორმირების ხელშეწყობის მიზნით, სწავლების ცენტრმა ასევე უზრუნველყო 2018 წლის 28 ოქტომბრის არჩევნებისთვის შემუშავებული სახელმძღვანელო ინსტრუქციების თარგმნა ინგლისურ ენაზე.

    სრულად
  • 2018 წლის 28 ოქტომბრის არჩევნებისთვის  პრეზიდენტობის 25 კანდიდატია რეგისტრირებული

    2018 წლის 28 ოქტომბრის არჩევნებისთვის პრეზიდენტობის 25 კანდიდატია რეგისტრირებული

    23 სექტემბერი, 2018

    ცენტრალურ საარჩევნო კომისიაში (ცესკო) 2018 წლის 28 ოქტომბრის არჩევნებისთვის პრეზიდენტობის კანდიდატების რეგისტრაციის პროცესი დასრულდა.

    საქართველოს პრეზიდენტის არჩევნებში ამ დროისთვის 25 კანდიდატი მონაწილეობს. მათგან, 19 წარდგენილია პოლიტიკური პარტიის, ხოლო 6 - საინიციატივო ჯგუფის მიერ.

    როგორც დღეს ცენტრალურ საარჩევნო კომისიაში გამართულ საინფორმაციო ბრიფინგზე ცესკოს პრეს-სპიკერმა ანა მიქელაძემ განაცხადა, კანონმდებლობის თანახმად, რეგისტრირებულ საპრეზიდენტო კანდიდატს არჩევნებამდე არაუგვიანეს მე-12-ე დღისა (16 ოქტომბრის ჩათვლით) აქვს უფლება წერილობითი განცხადებით მომართოს ცესკოს და მოხსნას საკუთარი კანდიდატურა. აღნიშნული ვადის ამოწურვის შემდეგ, ყველა საპრეზიდენტო კანდიდატი შეყვანილი იქნება საარჩევნო ბიულეტენში.

    შეგახსენებთ, რომ არჩევნებში პრეზიდენტობის კანდიდატად რეგისტრაციის მოთხოვნით ცენტრალური საარჩევნო კომისიის თავმჯდომარის სახელზე სულ 46 განაცხადი იყო წარდგენილი, მათ შორის 20 პოლიტიკური პარტიის, ხოლო 26 საინიციატივო ჯგუფის მიერ.

    21 კანდიდატობის მსურველს სხვადასხვა სამართლებრივი საფუძვლების გამო ეთქვა უარი კანდიდატად რეგისტრაციაზე; აქედან, ერთმა საინიციატივო ჯგუფმა არ შეასწორა ხარვეზი საარჩევნო დოკუმენტაციაში, ხოლო ერთ პოლიტიკურ პარტიას, უარი ეთქვა არჩევნებში მონაწილეობასა და კანდიდატის წარდგენაზე, ვინაიდან არ იყო რეგისტრირებული იუსტიციის სამინისტროს მიერ. რაც შეეხება 19 საინიციატივო ჯგუფს - მათ, დადგენილ ვადაში არ წარმოადგინეს მხარდამჭერთა სია და კანონმდებლობის თანახმად, რეგისტრაციაზე ეთქვათ უარი.

    აღსანიშნავია, რომ პრეზიდენტობის კანდიდატის საარჩევნო რეგისტრაციის უარის შესახებ განკარგულებები უფლებამოსილი პირების მიერ არ გასაჩივრებულა კანონმდებლობით დადგენილ ვადებში.

     

    2018 წლის 28 ოქტომბრის არჩევნებისთვის რეგისტრირებული პრეზიდენტობის კანდიდატები

     

     

     

     

     

    სრულად
  • დასრულდა საინფორმაციო შეხვედრა ადგილობრივ დამკვირვებელ ორგანიზაციებთან

    დასრულდა საინფორმაციო შეხვედრა ადგილობრივ დამკვირვებელ ორგანიზაციებთან

    23 სექტემბერი, 2018

    ცესკოს სწავლების ცენტრმა 2018 წლის 28 ოქტომბრის არჩევნებისთვის დამკვირვებლად რეგისტრირებული ადგილობრივი არასამთავრობო ორგანიზაციების წარმომადგენლებთან საინფორმაციო შეხვედრა გამართა.

    სწავლების ცენტრის წარმომადგენლებმა შეხვედრის მონაწილეებს გააცნეს საარჩევნო კანონმდებლობის სიახლეები და განიხილეს სხვადასხვა მნიშვნელოვანი საკითხები, მათ შორის:

    • კენჭისყრის დღე და საარჩევნო ოპერაციების მართვა;
    • არჩევნებში ჩართული მხარეების უფლებრივი მდგომარეობა;
    • კენჭისყრის დღის საჩივრის/განცხადების შედგენის საფუძველი და ტექნიკა;
    • ამომრჩეველთა პერსონალური მონაცემების დაცვა;
    • კენჭისყრის შედეგების შეჯამება.

    შეხვედრის ფარგლებში მონაწილეები ასევე გაეცნენ უსაფრთხო საარჩევნო გარემოს უზრუნველყოფის საკანონმდებლო მექანიზმებს და არჩევნების უსაფრთხოების საერთაშორისო სტანდარტებს. აღნიშნულ საკითხებზე ინფორმაციის მიწოდება და გამოცდილების გაზიარება უზრუნველყვეს საარჩევნო სისტემების საერთაშორისო ფონდის (IFES), შინაგან საქმეთა სამინისტროს და სწავლების ცენტრის წარმომადგენლებმა.

    საინფორმაციო შეხვედრები თბილისში, 19 და 21 სექტემბერს გაიმართა და მასში მონაწილეობა მიიღო ადგილობრივი დამკვირვებელი ორგანიზაციების 49 წარმომადგენელმა, მათ შორის ქალი - 26, კაცი - 23.

    დეტალური სტატისტიკა იხილეთ ბმულზე.

    სრულად
  • ინფორმაცია საზღვარგარეთ მყოფი საქართველოს მოქალაქეებისთვის 2018 წლის 28 ოქტომბრის საქართველოს პრეზიდენტის არჩევნებში მონაწილეობასთან დაკავშირებით

    ინფორმაცია საზღვარგარეთ მყოფი საქართველოს მოქალაქეებისთვის 2018 წლის 28 ოქტომბრის საქართველოს პრეზიდენტის არჩევნებში მონაწილეობასთან დაკავშირებით

    22 სექტემბერი, 2018

    საზღვარგარეთ მყოფი საქართველოს მოქალაქეების არჩევნებში მონაწილეობის წესი გააცნო დღეს მედიას საარჩევნო ადმინისტრაციამ.

    როგორც ცენტრალურ საარჩევნო კომისიაში გამართულ საინფორმაციო ბრიფინგზე ცესკოს პრეს-სპიკერმა ანა მიქელაძემ განაცხადა, პრეზიდენტის არჩევნებში მონაწილეობის მისაღებად საზღვარგარეთ მყოფი საქართველოს მოქალაქეები უნდა იმყოფებოდნენ საქართველოს საკონსულო აღრიცხვაზე, ან უნდა იყვნენ რეგისტრირებული საზღვარგარეთ მისამართზე საქართველოს მოქმედი კანონმდებლობის შესაბამისად.

    იმ შემთხვევაში თუ საზღვარგარეთ მყოფი საქართველოს მოქალაქეები არ იმყოფებიან საქართველოს საკონსულო აღრიცხვაზე, ან არ აქვთ რეგისტრაცია საზღვარგარეთ, მათ 2018 წლის 7 ოქტომბრის ჩათვლით უნდა გაიარონ რეგისტრაცია საქართველოს შესაბამის დიპლომატიურ წარმომადგენლობაში ან საკონსულო დაწესებულებაში. საკონსულო აღრიცხვაზე დადგომა არ ითვალისწინებს მოსაკრებლის გადახდას. ამასთან აღსანიშნავია, რომ მოქალაქეებს აღნიშნული პროცედურის განხორციელება ელექტრონულად, საკონსულოს ვებ-გვერდის საშუალებითაც შეუძლიათ - geoconsul.gov.ge.

    „რაც შეეხება საზღვარგარეთ განთავსებულ საარჩევნო უბნებს - ცესკო, საქართველოს საგარეოს საქმეთა სამინისტროსგან მოწოდებული ინფორმაციის საფუძველზე, დაახლოებით 40 ქვეყანაში გეგმავს  საარჩევნო უბნების გახსნას. კანონმდებლობის შესაბამისად, საზღვარგარეთ საარჩევნო უბნები შეიქმნება არაუგვიანეს 28 სექტემბრისა და მათი მისამართები დაუყოვნებლივ ხელმისაწვდომი იქნება ცესკოს ვებგვერდზე. მას შემდეგ, რაც საუბნო საარჩევნო კომისიები დაიწყებენ ფუნქციონირებას, საზღვარგარეთ მცხოვრებ ამომრჩევლებს ასევე შეეძლებათ საუბნო საარჩევნო კომისიებში მისვლა და საარჩევნო რეგისტრაციის გავლა.

    საზღვარგარეთ მყოფ საქართველოს მოქალაქეებს შეუძლიათ ონლაინ ჩათის მეშვეობით მომართონ ცესკოს ნებისმიერ საარჩევნო საკითხზე ან/და დაგვიკავშირდნენ სატელეფონო-საინფორმაციო ცენტრში ტელეფონის ნომერზე: +599 32 2 51 00 51“, - განაცხადა ანა მიქელაძემ.

    სრულად
  • მოსამართლეთა სამუშაო შეხვედრა საარჩევნო საკითხებზე

    მოსამართლეთა სამუშაო შეხვედრა საარჩევნო საკითხებზე

    22 სექტემბერი, 2018

    საერთო სასამართლოების ადმინისტრაციული საქმეების განმხილველი მოსამართლეებისთვის საარჩევნო საკითხებზე სამუშაო შეხვედრა მიმდინარეობს ბორჯომში.
    ღონისძიება დღეს ცენტრალური საარჩევნო კომისიის (ცესკო) თავმჯდომარე თამარ ჟვანიამ, უზენაესი სასამართლოს თავმჯდომარის მოადგილე ვასილ როინიშვილმა, იუსტიციის უმაღლესი საბჭოს მდივანმა გიორგი მიქაუტაძემ და საარჩევნო სისტემების საერთაშორისო ფონდის (IFES) პროექტის ხელმძღვანელმა საქართველოში ქეთი მაისურაძემ გახსნეს.

    საარჩევნო კანონმდებლობის სიახლეები, ადმინისტრაციული რესურსები და პირადი სოციალური საშუალებების გამოყენება წინასაარჩევნო კამპანიისთვის, სასამართლოში საარჩევნო დავების განხილვის პრაქტიკული საკითხები და ამ კუთხით არსებული საერთაშორისო გამოცდილება - ეს ის თემებია, რომლებზეც სხვა მნიშვნელოვან საარჩევნო საკითხებთან ერთად, თბილისის სააპელაციო სასამართლოს მოსამართლეების, ცესკოს იურიდიული დეპარტამენტის ხელმძღვანელისა და საარჩევნო სისტემების საერთაშორისო ფონდის პოლიტიკური პროცესებისა და საარჩევნო სამართლის ოფიცრის ჩართულობით მონაწილეები მსჯელობენ.

    “დღეს ძალიან მნიშვნელოვანი სამუშაო შეხვედრა იმართება, რომელსაც ესწრება საერთო სასამართლოების ყველა ის მოსამართლე, რომელიც საარჩევნო საკითხებს და საარჩევნო დავებს იხილავს. ეს შეხვედრა მნიშვნელოვანია იმ თვალსაზრისით, რომ მოახლოებულ საპრეზიდენტო არჩევნებთან ერთად, ერთგვაროვანი განხილვისა და იმ საკანონმდებლო განახლებული მოცემულობის თვალსაზრისით იყოს განხილული ყველა საარჩევნო საკითხი დავების ეფექტიანობასთან მიმართებაში. მინდა ცალსახად მადლობა გადავუხადო იუსტიციის უმაღლეს საბჭოს, უზენაეს სასამართლოს, ცენტრალურ საარჩევნო კომისიასთან ამ თანამშრომლობისა და ხელშეწყობისთვის. ასევე ჩვენს ხელშემწყობ დონორ ორგანიზაციას და პარტნიორს საარჩევნო სისტემების საერთშორისო ფონდს და USAID-ს ჩვენი ფინანსური მხარდაჭერისთვის” - აღნიშნა თამარ ჟვანიამ მედიასთან საუბრისას.

    როგორც იუსტიციის უმაღლესი საბჭოს მდივანმა გიორგი მიქაუტაძემ მედიასთან აღნიშნა, უკვე ტრადიციად იქცა გამოცდილების გაზიარება და ძალიან სასარგებლოა სასამართლო სისტემისთვის წინასაარჩევნოდ განხორციელებული საკანონმდებლო ცვლილებების თუ სხვა მნიშვნელოვანი საკითხების განხილვა, იმისათვის, რომ პროცესი შეუფერხებლად წარიმართოს. „მოგეხსენებათ, რომ საარჩევნო დავები ძალიან შემჭიდროვებულ ვადაში იხილება, ამიტომ ძალიან დიდი მნიშვნელობა აქვს, რომ კონცენტრირებული იყოს სასამართლოს სისტემა, რათა თავიდან იყოს აცილებული ნებისმიერი ხარვეზი ამ პროცესში“ - განაცხადა გიორგი მიქაუტიძემ.

    ხოლო უზენაესი სასამართლოს თავმჯდომარის მოადგილე ვასილ როინიშვლმა აღნიშნა, რომ მსგავსი ტიპის ღონისძიებები ნორმაშეფარდებითი საქმიანობის სრულყოფილად განხორციელებას უწყობს ხელს და მისივე თქმით, არსებითად მნიშვნელოვანია მოსამართლეები მუდმივად საქმის კურსში იყვნენ საკანონმდებლო ცვლილებებთან მიმართებაში.

    სამუშაო შეხვედრას ცენტრალური საარჩევნო კომისია უზენაეს სასამართლოსთან ერთად, იუსტიციის უმაღლესი საბჭოს ჩართულობით და საარჩევნო სისტემების საერთაშორისო ფონდის (IFES) თანადაფინანსებითა და მხარდაჭერით მართავს. შეხვედრა ორდღიანია და ბორჯომში 22-23 სექტემბერს გაიმართება.

    სრულად
  • საინფორმაციო შეხვედრა არასამთავრობო ორგანიზაციებთან საგრანტო კონკურსთან დაკავშირებით

    საინფორმაციო შეხვედრა არასამთავრობო ორგანიზაციებთან საგრანტო კონკურსთან დაკავშირებით

    21 სექტემბერი, 2018

    2018 წლის 21 სექტემბერს, სწავლების ცენტრში, 2018 წლის 17 ივლისს გამოცხადებული საგრანტო კონკურსის ფარგლებში, საგრანტო საკონკურსო კომისიის გადაწყვეტილებით, სწავლების ცენტრის მიერ დაფინანსებული არასამთავრობო ორგანიზაციების წარმომადგენლებთან საინფორმაციო ხასიათის შეხვედრა გაიმართა.

    სწავლების ცენტრის თანამშრომლებმა შეხვედრაზე არასამთავრობო ორგანიზაციების და პროექტების ხელმძღვანელებს გააცნეს ინფორმაცია "გრანტის გაცემის წესის" შესაბამისად, საგრანტო პროექტების განხორციელებასთან დაკავშირებულ საკითხებზე, მათ შორის შემაჯამებელი ანგარიშის წარმოდგენასთან და მონიტორინგის პროცესთან დაკავშირებით.

    შეხვედრა კითხვა პასუხის რეჟიმში მიმდინარეობდა.

    სრულად
  • ტრენინგი მედიასთან კომუნიკაციაში

    ტრენინგი მედიასთან კომუნიკაციაში

    21 სექტემბერი, 2018

    საოლქო საარჩევნო კომისიების ხელმძღვანელი პირებისთვის მედიასთან კომუნიკაციაში ტრენინგი გაიმართა. სწავლება ცენტრალური საარჩევნო კომისიის (ცესკო) თავმჯდომარის მოადგილემ გიორგი შარაბიძემ და საქართველოში საარჩევნო სისტემების საერთაშორისო ფონდის პროექტის (IFES) ხელმძღვანელმა ქეთი მაისურაძემ გახსნეს. გიორგი შარაბიძემ მონაწილეებთან იმ უნარ-ჩვევებზე ისაუბრა, რომელიც საჯარო მოხელეებს მედიასთან ეფექტური კომუნიკაციისთვის სჭირდებათ.

    ტრენინგი მოიცავდა როგორც თეორიულ, ისე პრაქტიკულ ნაწილს. სწავლება IFES-ის პროექტის ხელმძღვანელმა  ქეთი მაისურაძემ ჩაატარა. მან მონაწილეებთან სატელევიზიო ინტერვიუსა და ეფექტური საჯარო გამოსვლის შესახებ დეტალურად ისაუბრა. მონაწილეებმა, ასევე  მიიღეს ინფორმაცია მედიის წარმომადგენლების უფლებების შესახებ.

    ტრენინგი  მედიასთან კომუნიკაციაში ცესკოში 20 სექტემბერს, საარჩევნო სისტემების საერთაშორისო ფონდთან (IFES) თანამშრომლობით გაიმართა.

    სრულად
  • შეხვედრა ეროვნულ დემოკრატიული ინსტიტუტის (NDI) გრძელვადიანი ანალიტიკოსების მისიის წარმომადგენლებთან

    შეხვედრა ეროვნულ დემოკრატიული ინსტიტუტის (NDI) გრძელვადიანი ანალიტიკოსების მისიის წარმომადგენლებთან

    20 სექტემბერი, 2018

    ცენტრალურ საარჩევნო კომისიაში (ცესკო) ეროვნულ დემოკრატიული ინსტიტუტის (NDI) გრძელვადიანი ანალიტიკოსების მისიის წარმომადგენლებთან შეხვედრა გაიმართა.

    შეხვედრის მთავარი თემა მიმდინარე საარჩევნო საკითხები იყო. ცესკოს თავმჯდომარე თამარ ჟვანიამ მისიის წარმომადგენლებს საქართველოს პრეზიდენტის არჩევნებისთვის მზადების პროცესის შესახებ მიაწოდა ინფორმაცია. მან, NDI-ს დელეგაციასთან ასევე ისაუბრა საარჩევნო ადმინისტრაციის მიერ უკვე განხორციელებული და მიმდინარე საქმიანობის შესახებ. 

    NDI-ს გრძელვადიანი ანალიტიკოსების მისიის წარმომადგენლები საქართველოში 17 სექტემბერს ჩამოვიდნენ. ისინი საარჩევნო პროცესებს როგორც თბილისში, ისე რეგიონებში დააკვირდებიან.

     

    სრულად
  • საინფორმაციო განცხადება საქართველოს პრეზიდენტის არჩევნებისთვის კანდიდატების რეგისტრაციის პროცესთან დაკავშირებით

    საინფორმაციო განცხადება საქართველოს პრეზიდენტის არჩევნებისთვის კანდიდატების რეგისტრაციის პროცესთან დაკავშირებით

    20 სექტემბერი, 2018

    2018 წლის 28 ოქტომბრის საქართველოს პრეზიდენტის არჩევნებისთვის, ამ დროისთვის პრეზიდენტობის 19 კანდიდატია რეგისტრირებული.

    არჩევნებში პრეზიდენტობის კანდიდატად რეგისტრაციის მოთხოვნით ცენტრალური საარჩევნო კომისიის (ცესკო) თავმჯდომარის სახელზე სულ 46 განაცხადი იყო წარდგენილი, მათ შორის 20 პოლიტიკური პარტიის, ხოლო 26 საინიციატივო ჯგუფის მიერ. ერთ საინიციატივო ჯგუფს (არ შეასწორა ხარვეზი საარჩევნო დოკუმენტაციაში) და ერთ პოლიტიკურ პარტიას (არ იყო რეგისტრირებული საქართველოს იუსტიციის სამინისტროს მიერ) უარი ეთქვა არჩევნებში მონაწილეობასა და კანდიდატის წარდგენაზე.

    მხარდამჭერთა სია წარმოადგინა 25-მა საარჩევნო სუბიექტმა, მათ შორის 19-მა პოლიტიკურმა პარტიამ და 6-მა საინიციატივო ჯგუფმა.

    19 საინიციატივო ჯგუფს არ წარმოუდგენია მხარდამჭერთა სია; კანონმდებლობის შესაბამისად მათ მიერ წარდგენილ კანდიდატებს უარი ეთქვათ რეგისტრაციაზე და შემდგომ გაუქმდა საინიციატივო ჯგუფის რეგისტრაციაც.

    ამჟამად ცესკოში 6 სუბიექტის სარეგისტრაციო პროცედურები ხორციელდება.

    შეგახსენებთ, რომ ცესკოს თავმჯდომარის მიერ პრეზიდენტობის კანდიდატთა რეგისტრაციის ბოლო ვადა 28 სექტემბერია.

    სრულად

სიახლე