A
A A A
a A

კომისიის წევრი

არჩილ ანასაშვილი
არჩილ ანასაშვილი
ცენტრალური საარჩევნო კომისიის წევრი

პ/გ „ქართული ოცნება - დემოკრატიული საქართველო“

დაბადების თარიღი: 10.11.1966

არჩილ ანასაშვილი ცენტრალური საარჩევნო კომისიის წევრია 2017 წლის 24 ნოემბრიდან. მან უმაღლესი განათლება თბილისის ივანე ჯავახიშვილის სახელობის სახელმწიფო უნივერსიტეტსა (იურისტის კვალიფიკაცია) და ქუთაისის ნიკო მუსხელიშვილის სახელობის სახელმწიფო პოლიტექნიკურ ინსტიტუტში (ინჟინერ - ტექნოლოგის კვალიფიკაცია) მიიღო.

არჩილ ანასაშვილი 2007 - 2017 წლებში იყო საქართველოს ცენტრალური საარჩევნო კომისიის იურიდიული დეპარტამენტის უფროსი; 2006 - 2007 წლებში საქართველოს ცენტრალური საარჩევნო კომისიის იურიდიული დეპარტამენტის მთავარი სპეციალისტი; ის ასევე მუშაობდა საქართველოს პარლამენტში (საპარლამენტო ფრაქცია „მრეწველები“ მოწვეული სპეციალისტი - იურისტი, 2006წ.); იყო საარჩევნო ადმინისტრაციის ფასილიტატორი (2005წ.); არჩილ ანასაშვილი იყო სსიპ ,,საქართველოს ადვოკატთა ასოციაციის“ დამფუძნებელი წევრი, საადვოკატო ბიუროს ხელმძღვანელი (2005წ.); 2003 – 2005 წლებში კი  საქართველოს ადვოკატთა კოლეგიის საბურთალოს რაიონის ადვოკატურის ადვოკატი; ასევე მუშაობდა საქართველოს საგარეო საქმეთა სამინისტროს საკონსულო დეპარტამენტის წამყვანი სპეციალისტის თანამდებობაზე (2000 – 2001წწ.), 1997 – 2003 წლებში კი აშშ საერთაშორისო განვითარების სააგენტოსა და აშშ სოფლის მეურნეობის დეპარტამენტის დაფინანსებული (USAID/USDA) პროგრამა - საქართველოს პროგრამის მონიტორი/ უფროსი მონიტორი/ პროგრამის მენეჯერის ასისტენტი/ პროგრამის მენეჯერი; 1996 წელს იყო ACOG-ის სოციალური სერვისის ჯგუფის ლიდერი (ატლანტის კომიტეტი 26-ე ზაფხულის მსოფლიო ოლიმპიური თამაშებისთვის (ACOG), ატლანტა; აშშ); 1993 – 1995 წლებში იყო საქართველოს პარლამენტის აპარატის თანამშრომელი.

არჩილ ანასაშვილი ასევე მონაწილეობდა არჩევნების საერთაშორისო სადამკვირვებლო მისიებში, მათ შორის 2017 წლის საპარლამენტო არჩევნებზე დიდი ბრიტანეთისა და ჩრდილოეთ ირლანდიის გაერთიანებულ სამეფოში; 2014 წლის საპრეზიდენტო არჩევნებზე რუმინეთის რესპუბლიკაში, 2011 წლის საპარლამენტო არჩევნებზე ყაზახეთის რესპუბლიკაში, ასევე იყო ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) გრძელვადიანი დამკვირვებელი ყაზახეთის რესპუბლიკაში (2011 წლის საპარლამენტო არჩევნები) და ბელარუსის რესპუბლიკაში (2010 წლის საპრეზიდენტო არჩევნები); ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) მოკლევადიანი დამკვირვებელი ყაზახეთის რესპუბლიკაში (2007 წლის საპარლამენტო არჩევნები) და ყირგიზეთის რესპუბლიკაში (2010 წლის საპარლამენტო არჩევნები);

არჩილ ანასაშვილმა 2007 წელს გაიარა ეუთოს აკადემიაში  ეუთოს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) მიერ ორგანიზებული სასწავლო კურსი საერთაშორისო დამკვირვებელთათვის.

ფლობს რუსულ და ინგლისურ ენებს.

ჰყავს მეუღლე და ორი შვილი.