A
A A A
a A

სიახლეები ყველა სიახლე

  • ხელახალი კონკურსი სპეციალური ჯგუფების წევრების ვაკანტური ადგილების დასაკავებლად

    ხელახალი კონკურსი სპეციალური ჯგუფების წევრების ვაკანტური ადგილების დასაკავებლად

    22 ოქტომბერი, 2020

    საქართველოს ცენტრალური საარჩევნო კომისიის  

    გ ა ნ ც ხ ა დ ე ბ ა

     

    საქართველოს ცენტრალური საარჩევნო კომისია აცხადებს ხელახალ კონკურსს საქართველოს პარლამენტის 2020 წლის 31 ოქტომბრის არჩევნებისათვის სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების 2020 წლის 31 ოქტომბრის არჩევნებში მონაწილეობის უზრუნველყოფისა და მათი საყოველთაო საარჩევნო უფლების რეალიზების მიზნით შექმნილი ზოგიერთი საარჩევნო უბნების სპეციალური ჯგუფების წევრების ვაკანტური ადგილების დასაკავებლად (ვაკანტური ადგილების შესახებ ინფორმაცია მოცემულია დანართში).

    სპეცჯგუფის არაუმეტეს 6-6 წევრს ირჩევს ცესკო არაუგვიანეს 2020 წლის 22 ოქტომბრისა, ხოლო სპეცჯგუფის 6-6 წევრს ნიშნავს უფლებამოსილი პოლიტიკური პარტიები, 2020 წლის 22 ოქტომბრის 18:00 საათამდე.

    საბუთები მიიღება 2020 წლის 22 ოქტომბრის 10:00 საათიდან 18:00 საათის ჩათვლით საქართველოს ცენტრალურ საარჩევნო კომისიაში მატერიალური სახით შემდეგ მისამართზე: ქ. თბილისი, დავით აღმაშენებლის ხეივანი, №138, ან ელექტრონული ფოსტით შემდეგ მისამართზე: [email protected]

    კონკურსში მონაწილე კანდიდატმა, რომელიც აკმაყოფილებს ცესკოს 2020 წლის 19 ოქტომბრის N45/2020 დადგენილებით განსაზღვრულ მოთხოვნებს, შესარჩევი კომისიის სამდივნოს უნდა წარუდგინოს შემდეგი საკონკურსო დოკუმენტაცია:

    განცხადება/თანხმობა (იხ. განცხადება/თანხმობის სარეკომენდაციო ფორმა); საქართველოს მოქალაქის პირადობის მოწმობის/საქართველოს მოქალაქის პასპორტის ფოტოასლი.

    სპეცჯგუფის წევრად შეიძლება აირჩეს/დაინიშნოს საქართველოს ქმედუნარიანი მოქალაქე 21 წლის ასაკიდან, რომელიც აკმაყოფილებს ამ განკარგულებით დადგენილ მოთხოვნებს. სპეცჯგუფის წევრად არ შეიძლება აირჩეს/დაინიშნოს:

    პირი 60 წლის ასაკიდან; პირი, რომელსაც ჯანმრთელობის მდგომარეობის გამო (მათ შორის, ფილტვის ქრონიკული ობსტრუქციული დაავადების, ბრონქული ასთმის, სუნთქვის უკმარისობით მიმდინარე გულ-სისხლძარღვთა დაავადების, აუტისტური სპექტრის დარღვევის ან/და განვითარების ანომალიის ან დეფექტის გამო) უჭირს პირბადის ტარება.

    პარტიის გადაწყვეტილებას სპეცჯგუფის წევრთა დანიშვნის შესახებ თან უნდა დაერთოს:

    ამ პირის წერილობითი თანხმობა სპეცჯგუფის წევრობაზე (იხ. თანხმობის სარეკომენდაციო ფორმა); საქართველოს მოქალაქის პირადობის მოწმობის/საქართველოს მოქალაქის პასპორტის ფოტოასლი.

     

    სრულად
  • ვენეციის კომისიის ვებინარი პანდემიის დროს არჩევნების ჩატარების შესახებ

    ვენეციის კომისიის ვებინარი პანდემიის დროს არჩევნების ჩატარების შესახებ

    21 ოქტომბერი, 2020

    ცესკოს თავმჯდომარის მოადგილე გიორგი შარაბიძემ ვენეციის კომისიის ორგანიზებით გამართულ ვებინარში მიიღო მონაწილეობა, რომელიც პანდემიის დროს არჩევნების ორგანიზებას ეხებოდა. ვებინარის მონაწილეებმა იმსჯელეს თუ როგორ შეიძლება ჩატარდეს არჩევნები საგანგებო სიტუაციებში, ასევე განიხილეს ვენეციის კომისიის 2020 წლის ანგარიშებში ასახული მოსაზრებები ამ საკითხთან დაკავშირებით.

    გიორგი შარაბიძე ვებინარზე სიტყვით გამოვიდა და 2020 წლის 31 ოქტომბერს დაგეგმილი პარლამენტის არჩევნების კონტექსტში, პანდემიის პირობებში არჩევნების ჩატარების პრაქტიკულ საკითხებზე ისაუბრა.

    გიორგი შარაბიძემ მონაწილეებს დეტალური  ინფორმაცია გააცნო ცესკოს მიერ მიღებული იმ დადგენილებების თაობაზე, რომლითაც განისაზღვრა კენჭისყრის დღის ეპიდემიოლოგიური პროტოკოლი;  ასევე ისაუბრა როგორც პენიტენციურ დაწესებულებებში, ისე კორონავირუსის გამო სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების კენჭისყრაში მონაწილეობისთვის აუცილებელ რეგულაციებზე.

    ვებინარზე პანდემიის პირობებში, სხვადასხვა ქვეყანაში, უკვე ჩატარებული არჩევნების, მათ შორის საფრანგეთის, იტალიისა და პოლონეთის მაგალითები განიხილეს. ასევე ისაუბრეს მოლდოვაში დაგეგმილი არჩევნების შესახებ.

    ვებინარი 20 ოქტომბერს, ონლაინ გაიმართა.

    სრულად
  • ცესკოს თავმჯდომარე უკრაინის ელჩს შეხვდა

    ცესკოს თავმჯდომარე უკრაინის ელჩს შეხვდა

    21 ოქტომბერი, 2020

    ცენტრალური საარჩევნო კომისიის (ცესკო) თავმჯდომარე თამარ ჟვანია უკრაინის საგანგებო და სრულუფლებიან ელჩს საქართველოში  იგორ  დოლგოვს შეხვდა.

    შეხვედრა დღეს ცესკოში გაიმართა. იგორ დოლგოვი მიმდინარე საარჩევნო პროცესებითა და პანდემიიდან გამომდინარე არსებული გამოწვევებით დაინტერესდა. თამარ ჟვანიამ მას დეტალური ინფორმაცია მიაწოდა არჩევნებისთვის მზადებისა და საარჩევნო ადმინისტრაციაში მიმდინარე საქმიანობის შესახებ. თამარ ჟვანიამ, ასევე ისაუბრა პანდემიის პირობებში არჩევნების უსაფრთხოდ ჩატარებასთან დაკავშირებით მიღებული დადგენილებების თაობაზე. მან აღნიშნა, რომ ცესკომ ჩართულ მხარეებთან კონსულტაციების საფუძველზე მიიღო დადგენილებები, რომლის მიხედვითაც განისაზღვრა როგორც კენჭისყრის დღის ეპიდემიოლოგიური პროტოკოლი, ისე კორონავირუსის გამო სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების კენჭისყრაში მონაწილეობისთვის აუცილებელი რეგულაციები.

    დღევანდელ შეხვედრაზე თამარ ჟვანიამ ყურადღება გაამახვილა კიბერუსაფრთხოების გაძლიერების მიმართულებით განხორციელებულ საქმიანობაზე. ასევე, საუბარი შეეხო გენდერულ წარმომადგენლობას საარჩევნო სუბიექტების პარტიულ სიებში და აკრედიტებული დამკვირვებლებისა და მედიის არჩევნებში მონაწილეობის საკითხებს. 

    ცესკოს თავმჯდომარის თქმით, ასევე განსაკუთრებით მნიშვნელოვანია დიპლომატიური კორპუსის, საერთაშორისო სადამკვირვებლო მისიების ჩართულობა და  მათი დაკვირვება 31 ოქტომბრის არჩევნებზე, ვინაიდან აღნიშნული დემოკრატიულობის, გამჭვირვალობისა და სანდოობის ხარისხს ამაღლებს.

    სრულად
  • საუბნო საარჩევნო კომისიის წევრთა IV ეტაპის ტრენინგები 2020 წლის 31 ოქტომბრის არჩევნებისთვის

    საუბნო საარჩევნო კომისიის წევრთა IV ეტაპის ტრენინგები 2020 წლის 31 ოქტომბრის არჩევნებისთვის

    21 ოქტომბერი, 2020

    2020 წლის 31 ოქტომბრის საქართველოს პარლამენტის მორიგი/საკრებულოების შუალედური/მერების რიგგარეშე არჩევნებისთვის სწავლების ცენტრის მიერ შემუშავებული საუბნო საარჩევნო კომისიების წევრთა ტრენინგების კონცეფციის შესაბამისად, 22 ოქტომბრიდან 25 ოქტომბრის ჩათვლით პერიოდში განხორციელდება IV ეტაპის ტრენინგები.

    აღნიშნულ ეტაპზე გათვალისწინებულია საუბნო საარჩევნო კომისიების ხელმძღვანელი პირების სწავლება პროფილური პროგრამით, რომლის ფარგლებში განიხილება შემდეგი ძირითადი საკითხები:

    საუბნო საარჩევნო კომისიის ხელმძღვანელი პირების საორგანიზაციო ფუნქციები საარჩევნო უბნის გახსნის პროცესში; საუბნო საარჩევნო კომისიის ხელმძღვანელი პირების საზედამხედველო ფუნქციები კენჭისყრის პროცესში და რეაგირება; საუბნო საარჩევნო კომისიის ხელმძღვანელი პირების საორგანიზაციო და საზედამხედველო ფუნქციები საარჩევნო უბნის დახურვისა და ხმების დათვლის პროცესში; საუბნო საარჩევნო კომისიის ხელმძღვანელი პირების კომპეტენცია კენჭისყრის შედეგების შემაჯამებელი ოქმის შედგენისა და საჯაროობის უზრუნველყოფის მიმართულებით; საუბნო საარჩევნო კომისიის ხელმძღვანელი პირების კომპეტენცია საოლქო საარჩევნო კომისიისთვის საარჩევნო დოკუმენტაციის გადაცემის პროცესში; კენჭისყრის განცხადებები/საჩივრები - რეგისტრაცია და რეაგირება; კენჭისყრის დღეს ფოტოვიდეოგადაღების რეგულაციები; ახალი კორონავირუსით (SARS-CoV-2) გამოწვეული ინფექციის (COVID-19) გავრცელების პრევენციის მიზნით კენჭისყრის დღეს კენჭისყრის შენობაში სანიტარულ - ჰიგიენური მოთხოვნების დაცვის უზრუნველსაყოფად განსახორციელებელი ღონისძიებები.

    საუბნო საარჩევნო კომისიების ხელმძღვანელი პირების პროცედურული ცოდნის ამაღლების და პრაქტიკული უნარ-ჩვევების განვითარების ხელშეწყობის მიზნით, სატრენინგო პროგრამა  ჩატარდება სწავლების პრაქტიკული მეთოდოლოგიის გამოყენებით.

    IV ეტაპის ტრენინგების გრაფიკები იხილეთ ბმულზე. გრაფიკში ცვლილებების განხორციელების შემთხვევაში, ინფორმაცია აისახება დაუყოვნებლივ.

    საუბნო საარჩევნო კომისიების წევრთა III ეტაპის ტრენინგები 2020 წლის 13 ოქტომბრიდან 21 ოქტომბრის ჩათვლით პერიოდში განხორციელდა, რომელიც საუბნო საარჩევნო კომისიების სრული შემადგენლობის სწავლებას დაეთმო.

    სრულად
  • საარჩევნო ადმინისტრაცია სტაციონარულ სამკურნალო დაწესებულებებსა და იზოლაციაში მყოფი ამომრჩევლების 31 ოქტომბრის არჩევნებში მონაწილეობას სანიტარიულ-ჰიგიენური წესების სრული დაცვით უზრუნველყოფს

    საარჩევნო ადმინისტრაცია სტაციონარულ სამკურნალო დაწესებულებებსა და იზოლაციაში მყოფი ამომრჩევლების 31 ოქტომბრის არჩევნებში მონაწილეობას სანიტარიულ-ჰიგიენური წესების სრული დაცვით უზრუნველყოფს

    19 ოქტომბერი, 2020

    საარჩევნო ადმინისტრაცია უზრუნველყოფს სტაციონარულ სამკურნალო დაწესებულებებსა და იზოლაციაში მყოფი ამომრჩევლების ყველა ჯგუფის  31 ოქტომბრის არჩევნებში მონაწილეობას სანიტარიულ-ჰიგიენური წესების სრული დაცვით.

    საარჩევნო ადმინისტრაციისთვის მნიშვნელოვანია, საქართველოს თითოეულ მოქალაქეს, არჩევნებში ჩართულ ყველა მხარეს ჰქონდეს შესაძლებლობა განახორციელოს კონსტიტუციით მინიჭებული უფლება ჯანმრთელობისთვის უსაფრთხო საარჩევნო გარემოში.

    სწორედ აღნიშნული უფლების რეალიზების მიზნით, ცენტრალურმა საარჩევნო კომისიამ, არჩევნებში ჩართულ მხარეებთან მჭიდრო თანამშრომლობით შეიმუშავა და დღეს დადგენილებით მიიღო სტაციონარულ სამკურნალო დაწესებულებებსა და იზოლაციაში მყოფი ამომრჩევლების ყველა ჯგუფის არჩევნებში მონაწილეობის უზრუნველსაყოფად ზოგიერთი საარჩევნო პროცედურა და სანიტარიულ-ჰიგიენური მოთხოვნები.

    დოკუმენტი იმ ძირითად ნორმებს განსაზღვრავს, რომელთა დაცვითაც უნდა მიიღონ აღნიშნული ჯგუფის ამომრჩევლებმა არჩევნებში მონაწილეობა და რომლის მიხედვითაც უნდა იმოქმედონ როგორც საარჩევნო ადმინისტრაციის წარმომადგენლებმა, ისე არჩევნებში ჩართულმა მხარეებმა.

    ცესკომ თითოეულ მუნიციპალიტეტში, საოლქო საარჩევნო კომისიების მოქმედების საზღვრებში უკვე შექმნა დღეის მდგომარეობით 127 სპეციალური საარჩევნო უბანი  და გამოაცხადა კონკურსი სპეციალური უბნების დაკომპლექტების მიზნით.

    სწორედ სპეციალური ჯგუფები უზრუნველყოფენ სტაციონარულ დაწესებულებებსა და იზოლაციაში მყოფი ამომრჩევლების არჩევნებში მონაწილეობას სანიტარულ-ჰიგიენური ნორმების ზედმიწევნით დაცვითა და უსაფრთხოების სრული გარანტიით.

    ამასთან, თვითიზოლაციაში მყოფ ამომრჩევლებს, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში, არჩევნებში მონაწილეობის მიზნით, აქვთ შესაძლებლობა ზეპირი განცხადებით მომართონ ცესკოს სატელეფონო-საინფორმაციო ცენტრს  24 ოქტომბრიდან 26 ოქტომბრის 22:00 საათის ჩათვლით.

    ნიშანდობლივია, რომ როგორც სპეციალური ჯგუფის თითოეული წევრი, ისე საარჩევნო პროცესის ყველა მონაწილე აღჭურვილი იქნება შესაბამისი ეკიპირებით, კერძოდ: ერთჯერადი ხალათით, ნიღბით, ხელთათმანით, დამცავი ფარითა და სადეზინფექციო საშუალებებით.

    ამასთან, სპეციალური ჯგუფის წევრების მიერ ამომრჩევლისთვის გადასატანი საარჩევნო ყუთის სიისა და საარჩევნო ბიულეტენის  გადაცემა მოხდება ამომრჩევლებთან ახლო კონტაქტის გარეშე, არანაკლებ ერთნახევარი მეტრის დისტანციის დაცვით.

    რეგისტრირებულ ადგილობრივ და საერთაშორისო სადამკვირვებლო ორგანიზაციებს, აკრედიტებულ მედიას და საარჩევნო სუბიექტების წარმომადგენლებს ექნებათ შესაძლებლობა დააკვირდნენ კენჭისყრის დღის მიმდინარეობასა და ხმების დათვლის პროცესს. ისინი, ასევე შეძლებენ მიიღონ არჩევნებში მონაწილეობა სპეციალური სიის საშუალებით და გამოიყენონ მათი აქტიური საარჩევნო უფლება.

    როგორც რეგისტრირებულმა ადგილობრივმა და საერთაშორისო სადამკვირვებლო ორგანიზაციებმა, ისე აკრედიტებულმა მედიამ და საარჩევნო სუბიექტებმა საარჩევნო ადმინისტრაციას განცხადებით უნდა მომართონ 26 ოქტომბრის 18:00 საათის ჩათვლით და წარმოადგინონ აღნიშნულ სპეციალურ ჯგუფებში მათი წარმომადგენლები.

    სპეციალური საარჩევნო უბნები გაიხსნება დილის 07:00 საათზე და გადასატანი საარჩევნო ყუთით ხმის მიცემის პროცედურა დაიწყება დილის 08:00 საათიდან, რომელიც გასტანს 20:00 საათამდე. გადასატანი საარჩევნო ყუთი სპეციალურ საარჩევნო უბანზე დაბრუნდება 21:00 საათამდე. ამის შემდეგ, სპეციალური საარჩევნო უბნები, უსაფრთხოების წესების სრული დაცვით, არჩევნებში ჩართული მხარეების საარჩევნო პროცესში მონაწილეობით, განახორციელებენ ხმების დათვლის პროცედურებს.

    საარჩევნო ადმინისტრაცია მიმართავს თვითიზოლაციაში მყოფ პირებს, ასევე არჩევნებში ჩართულ ყველა მხარეს, შესაბამისი ვადების გათვალისწინებით, დროულად მომართონ საარჩევნო ადმინისტრაციას, რაც უზრუნველყოფს მათ მონაწილეობას და ჩართულობას საარჩევნო პროცესებში.

    სრულად
  • კონკურსი სპეციალური ჯგუფების წევრების ვაკანტური ადგილების დასაკავებლად

    კონკურსი სპეციალური ჯგუფების წევრების ვაკანტური ადგილების დასაკავებლად

    19 ოქტომბერი, 2020

    საქართველოს ცენტრალური საარჩევნო კომისიის

    გ ა ნ ც ხ ა დ ე ბ ა

    საქართველოს ცენტრალური საარჩევნო კომისია აცხადებს კონკურსს საქართველოს პარლამენტის 2020 წლის 31 ოქტომბრის არჩევნებისათვის სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების 2020 წლის 31 ოქტომბრის არჩევნებში მონაწილეობის უზრუნველყოფისა და მათი საყოველთაო საარჩევნო უფლების რეალიზების მიზნით შექმნილი საარჩევნო უბნების სპეციალური ჯგუფების წევრების ვაკანტური ადგილების დასაკავებლად (ვაკანტური ადგილების შესახებ ინფორმაცია მოცემულია დანართში).

    სპეცჯგუფის არაუმეტეს 6-6 წევრს ირჩევს ცესკო არაუგვიანეს 2020 წლის 21 ოქტომბრისა, ხოლო სპეცჯგუფის 6-6 წევრს ნიშნავს უფლებამოსილი პოლიტიკური პარტიები, 2020 წლის 20 ოქტომბრიდან 21 ოქტომბრის ჩათვლით პერიოდში.

    საბუთები მიიღება 2020 წლის 20 ოქტომბრიდან 2020 წლის 21 ოქტომბრის 18:00 საათის ჩათვლით საქართველოს ცენტრალურ საარჩევნო კომისიაში მატერიალური სახით შემდეგ მისამართზე: ქ. თბილისი, დავით აღმაშენებლის ხეივანი, №138, ან ელექტრონული ფოსტით შემდეგ მისამართზე: [email protected]

    კონკურსში მონაწილე კანდიდატმა, რომელიც აკმაყოფილებს ცესკოს 2020 წლის 19 ოქტომბრის N45/2020 დადგენილებით განსაზღვრულ მოთხოვნებს, შესარჩევი კომისიის სამდივნოს უნდა წარუდგინოს შემდეგი საკონკურსო დოკუმენტაცია:

    განცხადება/თანხმობა (იხ. განცხადება/თანხმობის სარეკომენდაციო ფორმა); საქართველოს მოქალაქის პირადობის მოწმობის/საქართველოს მოქალაქის პასპორტის ფოტოასლი.

    სპეცჯგუფის წევრად შეიძლება აირჩეს/დაინიშნოს საქართველოს ქმედუნარიანი მოქალაქე 21 წლის ასაკიდან, რომელიც აკმაყოფილებს ამ განკარგულებით დადგენილ მოთხოვნებს. სპეცჯგუფის წევრად არ შეიძლება აირჩეს/დაინიშნოს:

    პირი 60 წლის ასაკიდან; პირი, რომელსაც ჯანმრთელობის მდგომარეობის გამო (მათ შორის, ფილტვის ქრონიკული ობსტრუქციული დაავადების, ბრონქული ასთმის, სუნთქვის უკმარისობით მიმდინარე გულ-სისხლძარღვთა დაავადების, აუტისტური სპექტრის დარღვევის ან/და განვითარების ანომალიის ან დეფექტის გამო) უჭირს პირბადის ტარება.

    პარტიის გადაწყვეტილებას სპეცჯგუფის წევრთა დანიშვნის შესახებ თან უნდა დაერთოს:

    ამ პირის წერილობითი თანხმობა სპეცჯგუფის წევრობაზე (იხ. თანხმობის სარეკომენდაციო ფორმა); საქართველოს მოქალაქის პირადობის მოწმობის/საქართველოს მოქალაქის პასპორტის ფოტოასლი.
    სრულად
  • განკარგულება 2020 წლის 31 ოქტომბრის საქართველოს პარლამენტის, საკრებულოების შუალედური და მუნიციპალიტეტების მერების რიგგარეშე არჩევნებისთვის საარჩევნო ბიულეტენების და შემაჯამებელი ოქმების დაბეჭდვის პროცესზე დამკვირვებელთა დანიშვნის თაობაზე

    განკარგულება 2020 წლის 31 ოქტომბრის საქართველოს პარლამენტის, საკრებულოების შუალედური და მუნიციპალიტეტების მერების რიგგარეშე არჩევნებისთვის საარჩევნო ბიულეტენების და შემაჯამებელი ოქმების დაბეჭდვის პროცესზე დამკვირვებელთა დანიშვნის თაობაზე

    19 ოქტომბერი, 2020
    სრულად
  • ცესკოს თავმჯდომარე სახალხო დამცველს შეხვდა

    ცესკოს თავმჯდომარე სახალხო დამცველს შეხვდა

    19 ოქტომბერი, 2020

    ცენტრალური საარჩევნო კომისიის (ცესკო) თავმჯდომარე თამარ ჟვანია  სახალხო დამცველს ნინო ლომჯარიას შეხვდა.

    შეხვედრაზე პანდემიის პირობებში 2020 წლის 31 ოქტომბრის არჩევნების უსაფრთხოების საკითხები განიხილეს.  სახალხო დამცველი მიმდინარე საარჩევნო პროცესებითა და პანდემიიდან გამომდინარე არსებული გამოწვევებით, არჩევნების დღისთვის მიღებული უსაფრთხოების რეგულაციებით დაინტერესდა.

    თამარ ჟვანიამ დეტალურად ისაუბრა პანდემიის პირობებში არჩევნების უსაფრთხოდ ჩატარებასთან დაკავშირებით მიღებული კენჭისყრის დღის ეპიდემიოლოგიური პროტოკოლის შესახებ და აღნიშნა, რომ შესაბამისი დადგენილება ცესკომ ჩართულ მხარეებთან კონსულტაციების საფუძველზე შეიმუშავა. მისივე თქმით, ასევე ჩართულ მხარეებთან კონსულტაციების საფუძველზე, უკვე შემუშავებულია დადგენილების პროექტი, რომლის მიხედვითაც საარჩევნო ადმინისტრაცია კორონავირუსის გამო სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფ ამომრჩევლებს სთავაზობს არჩევნებში  მონაწილეობა, საარჩევნო კომისიის ფუნქციების მქონე სპეციალური ჯგუფების მომსახურებით მიიღონ.

    „ყველა იმ კატეგორიის ამომრჩევლებს, რომლებიც არიან კოვიდინფიცირებული, კარანტინსა თუ თვითიზოლაციაში, ჩვენი შეთავაზებით ექნებათ შესაძლებლობა საკუთარი კონსტიტუციური უფლება განახორციელონ. ამავდროულად, შეხვედრაზე ჩვენ ვისაუბრეთ უსაფრთხოების იმ ზომებზე, რომელიც ეპიდემიოლოგიური სიტუაციიდან გამომდინარე საჭიროა ქვეყანაში. ცესკოს მიერ დაგეგმილი ღონისძიებები უსაფრთხოების კუთხით იყო დადებითად შეფასებული და ჩვენ, ცხადია, ყველა უწყებასთან ვითანამშრომლებთ იმისთვის, რომ უსაფრთხო არჩევნები ჩავატაროთ და დაცული იყოს როგორც ჯანმრთელობის უსაფრთხოება, ისე მოქალაქეების უფლებები იყოს მაქსიმალურად რეალიზებული“,- განაცხადა შეხვედრის დასრულების შემდეგ თამარ ჟვანიამ.

    „როგორც ვხედავ ტექნიკურად და რეგულირების თვალსაზრისით ყველაფერი მზად არის. იმედი მაქვს, რომ არჩევნების დღეს, ყველა, როგორც კომისიის წევრები და დამკვირვებლები, ისე ამომრჩევლები, დაიცავენ უსაფრთხოების ზომებს. თუ ყველა დავიცავთ იმ წესებს, რაც იმოქმედებს, რა თქმა უნდა, არჩევნების დღეს ინფექციის გავრცელების რისკები იქნება ნაკლები. მნიშვნელოვანია, რომ საკანონმდებლო დონეზეც გაიწერება პროცედურები, რაც მისცემს საშუალებას ყველა პირს, მიუხედავად იმისა არის თუ არა კოვიდინფიცირებული, იმყოფება სტაციონარულ დაწესებულებაში თუ თვითიზოლაციაში, არჩევნებში მონაწილეობა მიიღოს. პანდემიის მიუხედავად ვფიქრობ, რომ ყველა მოქალაქეს ექნება საშუალება ხმა მისცეს არჩევნებში. ეს არის ძალიან მნიშვნელოვანი. იყო საფრთხე რომ შეუძლებელი იქნებოდა, თუმცა დღევანდელი შეხვედრის შემდეგ მე მრჩება განცდა, რომ ცესკო აკეთებს ყველაფერს, რომ არცერთი მოქალაქის ხმა არ დაიკარგოს არჩევნებზე“,-განაცხადა ნინო ლომჯარიამ.

    შეხვედრა დღეს ცენტრალურ საარჩევნო კომისიაში გაიმართა და მას ასევე ესწრებოდნენ ცესკოს წევრი გიორგი ძაგანია,  საერთაშორისო ურთიერთობების და პროტოკოლის განყოფილების უფროსი თამარ კაპანაძე და სახალხო დამცველის მოადგილე გიორგი ბურჯანაძე.

     

     

    სრულად
  • საარჩევნო ადმინისტრაცია სტაციონარულ სამკურნალო დაწესებულებებსა და იზოლაციაში მყოფი ამომრჩევლების ყველა ჯგუფს შესაბამის მომსახურებას სთავაზობს

    საარჩევნო ადმინისტრაცია სტაციონარულ სამკურნალო დაწესებულებებსა და იზოლაციაში მყოფი ამომრჩევლების ყველა ჯგუფს შესაბამის მომსახურებას სთავაზობს

    19 ოქტომბერი, 2020

    საარჩევნო ადმინისტრაცია სტაციონარულ სამკურნალო დაწესებულებებსა და იზოლაციაში მყოფი ამომრჩევლების ყველა ჯგუფს შესაბამის მომსახურებას სთავაზობს 31 ოქტომბრის არჩევნებში მონაწილეობის უზრუნველყოფისა და მათი საყოველთაო საარჩევნო უფლების რეალიზების მიზნით.

    აღნიშნულ საკითხთან დაკავშირებით, ცესკოს ინიციტივით შექმნილმა სპეციალურმა სამუშაო ჯგუფმა, რომლის შემადგენლობაშიც შედიან როგორც საარჩევნო ადმინისტრაციის, ისე პოლიტიკური პარტიების, სამოქალაქო სექტორის და საერთაშორისო ორგანიზაციების წარმომადგენლები, გამართეს შეხვედრები და იმსჯელეს იმ რეკომენდაციებზე, რომელთა გათვალისწინებითაც აღნიშნულ პირებს, ვირუსის გავრცელების პრევენციული ღონისძიებების და სანიტარიულ-ჰიგიენური წესების მაქსიმალური დაცვით ექნებათ შესაძლებლობა მიიღონ არჩევნებში მონაწილეობა.

    სამუშაო ჯგუფის წევრებთან კონსულტაციების შედეგად ცესკომ შეიმუშავა დოკუმენტი, რომელიც უკვე გადაგზავნილია დამატებითი მოსაზრებების გასაზიარებლად ჯგუფის წევრებთან და რომელზეც ცესკო უახლოეს სხდომაზე მიიღებს გადაწყვეტილებას. ამასთან, საარჩევნო ადმინისტრაცია მადლობას უხდის სამუშაო ჯგუფის წევრებს კონსტრუქციული მუშაობისა და მჭიდრო თანამშრომლობისთვის.  

    საარჩევნო ადმინისტრაცია სტაციონარულ სამკურნალო დაწესებულებებსა და იზოლაციაში მყოფ ამომრჩევლებს სთავაზობს არჩევნებში მიიღონ მონაწილეობა საარჩევნო კომისიის ფუნქციების მქონე სპეციალური ჯგუფების მომსახურებით. კერძოდ, ცესკო მუნიციპალიტეტებში საოლქო საარჩევნო კომისიების მოქმედების საზღვრებში შექმნის არანაკლებ ერთ საარჩევნო უბანს და დააკომპლექტებს სპეციალურ ჯგუფებს.

    სპეციალური ჯგუფის წარმომადგენელები უზრუნველყოფენ სტაციონარულ სამკურნალო დაწესებულებებსა და კარანტინში მყოფ ამომრჩევლებთან საარჩევნო ყუთის მიტანას. ამასთან, თვითიზოლაციაში მყოფ ამომრჩევლებს, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში, ექნებათ შესაძლებლობა საარჩევნო ადმინისტრაციას მიმართონ გადასატანი საარჩევნო ყუთით მომსახურების მოთხოვნით.

    აღსანიშნავია, რომ საარჩევნო ადმინისტრაციის შეთავაზება სტაციონარულ სამკურნალო დაწესებულებებსა და იზოლაციაში მყოფი ამომრჩევლებისთვის ცალკე საარჩევნო უბნების გახსნასა და სპეციალური ჯგუფების საშუალებით, მობილური ყუთებით მომსახურების შესახებ, უზრუნველყოფს ჯანმრთელობისათვის მაქსიმალურ უსაფრთხოებას.  სპეციალური ჯგუფის თითოეული წევრი, მათ შორის საარჩევნო პროცესის ყველა მონაწილე აღჭურვილი იქნება შესაბამისი ეკიპირებით, კერძოდ, ერთჯერადი ხალათით, ნიღბით, ხელთათმანით, დამცავი ფარითა და სანიტარიულ-ჰიგიენური საშუალებებით. სრულად იქნება დაცული ეპიდემიოლოგების რეკომენდაციები, რაც ხელს შეუწყობს ვირუსის გავრცელების პრევენციას.

    სპეციალურ უბნებსა და მის წევრებს არ ექნებათ შეხება ჩვეულებრივ საარჩევნო უბნებთან და შესაბამის პროცესთან, რაც უზრუნველყოფს მეტ უსაფრთხოებას, პროცესის დაცულობას და ამასთან, ჩართული მხარეებისთვის მონაწილეობის შესაძლებლობას.

    ნიშანდობლივია, რომ ხმების დათვლა განხორციელდება არა საკარანტინო სივრცეებსა თუ სამედიცინო დაწესებულებებში, არამედ ცალკე, სპეციალურად შექმნილ საარჩევნო უბნებში, რაც ხელს შეუწყობს პროცესის მეტ გამჭვირვალობას.  

    რა თქმა უნდა, კანონმდებლობის თანახმად, შესაბამისი წესების დაცვით დამკვირვებლებს, მედიას და საარჩევნო სუბიექტების წარმომადგენლებს ექნებათ შესაძლებლობა გაყვნენ გადასატან საარჩევნო ყუთს, დააკვირდნენ კენჭისყრის დღის მიმდინარეობას და ხმების დათვლის პროცესს.

    აღსანიშნავია, რომ საარჩევნო ადმინისტრაცია დადგენილი პროცედურების უზრუნველსაყოფად მოახდენს როგორც სტაციონარულ სამკურნალო დაწესებულებებსა და იზოლაციაში მყოფი ამომრჩევლების, ისე არჩევნებში ჩართული მხარეების დროულ ინფორმირებას, რაც ხელს შეუწყობს პროცესის ყველა მონაწილის კონსტიტუციური უფლების რეალიზებას.

    სრულად
  • 31 ოქტომბრის არჩევნებზე უსინათლო ამომრჩევლები საარჩევნო ბიულეტენის შესავსები განახლებული ჩარჩო/ფორმით დამოუკიდებლად შეძლებენ ხმის მიცემას

    31 ოქტომბრის არჩევნებზე უსინათლო ამომრჩევლები საარჩევნო ბიულეტენის შესავსები განახლებული ჩარჩო/ფორმით დამოუკიდებლად შეძლებენ ხმის მიცემას

    18 ოქტომბერი, 2020

    ცენტრალურ საარჩევნო კომისიაში (ცესკო) მუდმივმოქმედი ჯგუფი, რომელიც შეზღუდული შესაძლებლობების მქონე პირთა საკითხებზე მუშაობს, 31 ოქტომბრის არჩევნებისთვის საარჩევნო ბიულეტენის შესავსებ განახლებულ ჩარჩო/ფორმას გაეცნო. დისტანციურად გამართულ შეხვედრაზე, კოორდინაციის, დაგეგმვისა და ანგარიშგების დეპარტამენტის უფროსმა სოფიო სიჭინავამ ჯგუფის წევრებს ზემოაღნიშნული ჩარჩო/ფორმა წარუდგინა, რომელიც უსინათლო ამომრჩევლებს არჩევნებში დამოუკიდებლად მონაწილეობის შესაძლებლობას აძლევს. ჩარჩო/ფორმის განახლება 2020 წლის არჩევნებისთვის რეგისტრირებული სუბიექტების გაზრდილმა რიცხვმა განაპირობა (31 ოქტომბრის პარლამენტის არჩევნებისთვის 50 სუბიექტი: 48 პარტია და 2 საარჩევნო ბლოკია რეგისტრირებული).

    ჩარჩო/ფორმის დამზადების ტექნიკურ საკითხებზე მუშაობა უკვე დიდი ხანია მიმდინარეობს და მნიშვნელოვანია, რომ ყველა საკითხი, რომელიც აღნიშნული ფორმის შემუშავების დროს იყო აქტუალური, სამუშაო ჯგუფის ფორმატში იხილებოდა.

    სამუშაო შეხვედრის განმავლობაში ჯგუფის წევრებმა რეკომენდაციები და მოსაზრებები წარმოადგინეს; მათ მადლობა გადაუხადეს საარჩევნო ადმინისტრაციას საქმიანობისთვის, რომელსაც ცესკო შეზღუდული შესაძლებლობების მქონე პირთა მიმართულებით ახორციელებს.

    უსინათლო ამომრჩევლებისთვის საარჩევნო ბიულეტენის შესავსები ჩარჩო/ფორმა საარჩევნო სისტემების საერთაშორისო ფონდთან (IFES) და უსინათლოთა კავშირთან თანამშრომლობით შემუშავდა.

     

    სრულად

სიახლე