A
A A A
a A

Алхратәи Акомиссиа Хада Қырҭтәыла ахада иалхрақәа аҩбатәи атур алҵшәақәа

Алхратәи Акомиссиа Хада иахьа имҩаҧнагаз аилатәара аҟны Қырҭтәыла ахада  иалхра 2018 шықәса жьҭаарамза 28 аҩбатәи атур еихнашьаалеит.

Аихшьаалатә ашәҟәынҵа аилатәара аҟны акомиссиа алахәылацәа ААК амаӡаныҟәгаҩ Гиорги

Џьавахишвили иааирҧшит. Ашәҟәынҵа инаҵакны Қырҭтәыла ахада  иалхра аҩбатәи атур азы алхыҩцәа рхыҧхьаӡара 3 528 658 ыҟан, алхрақәа ирылахәит 1 988 787 алхыҩцәа, ииашам ҳәа иҧхьаӡан 59 778 биулитен.

Қырҭтәыла ахада иалхра аҩбатәи атур алҵшәа :

№5 Григол Вашаӡе - 780 680 бжьы (40.48%)

№48 Саломе Зурабишвили - 1 147 701 бжьы (59.52%)

Қырҭтәыла ахадас далхуп Саломе Зурабишвили.

Иахьатәи аилатәала аҟны ААК ахантәаҩы Ҭамар Жваниа иазгәалҭеит, алхратә аусбарҭа аусура ахшәара аҭан ибзиоуп ҳәа. Ҷыдала алхрақәа рымш азы аҵәыҭаҧсара апроцедура, абжьқәа рыҧхьаӡареи. Ажәала данықәгылоз ААК ахантәаҩы ацәаҳәа аҵылшьит алхыҩцәа ирыӡбыз ахадара, ‘‘дарбынзаалак алхҩы игәаанагара, иӡбара ахадара ду аман. Ҳарҭ акомиссиа алахәылацәа, алхыҩцәа рахь апату ду ҳамазар ауп. Убри аҟнытә сара ари алхрақәа рылҵәшеи, алхыҩцәа рыӡбареи пату ақәсҵоит. Алҵшәа сақәшаҳаҭуп избанзар уи алзыҩцәа дара рхала ирыӡбыз ауп, алхрақәа рлегитимациа иарбынзаалак жәларбжьаратәи аиҿкарак, ма аҭыҧынтәи аиҿкаара агәрамгара аанамарҧшит" - лҳәит Ҭамар Жваниа.

Иахьатәи аилатәара аҟны алхратә Акомиссиа хада ахантәаҩы Ҭамар Жваниа иҭабуп ҳәа ралҳәеит апроцесс иалахәыз аганқәа зегьы, алхраәт аусбарҭа аусзуҩцәа, аполитикатә апартиақәа рхаҭарнакцәа, аҭыҧынтәи, аҳәаанырцәтәи анаҧшыҩцәа реиҿкаарақәа, амедиа.

სულ: 15 ფოტო