A
A A A
a A

სიახლეები ყველა სიახლე

  • თვითიზოლაციაში მყოფი ამომრჩევლების მაღალი აქტივობიდან გამომდინარე ცესკოს სატელეფონო-საინფორმაციო ცენტრი ზარებს მიიღებს დღეს 18:00 სთ-მდე

    თვითიზოლაციაში მყოფი ამომრჩევლების მაღალი აქტივობიდან გამომდინარე ცესკოს სატელეფონო-საინფორმაციო ცენტრი ზარებს მიიღებს დღეს 18:00 სთ-მდე

    27 ოქტომბერი, 2020

    ვინაიდან ფიქსირდება თვითიზოლაციაში მყოფი ამომრჩევლების მაღალი აქტივობა, ცესკოს სატელეფონო-საინფორმაციო ცენტრი ზარებს, გადასატანი ყუთის მოთხოვნით, მიიღებს 27 ოქტომბრის 18:00 სთ-მდე. დარეკეთ ტელეფონის ნომერზე 2 51 00 51 (0).

    შეგახსენებთ, რომ ცესკოს სატელეფონო-საინფორმაციო ცენტრისთვის მომართვისა და ოფიციალური მოთხოვნის დაფიქსირების შემთხვევაში, გადასატანი საარჩევნო ყუთით სარგებლობას შეძლებენ თვითიზოლაციაში მყოფი ის ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში.

     

    სრულად
  • ცესკო თვითიზოლაციაში მყოფ ამომრჩევლებს მიმართავს იაქტიურონ და მოითხოვონ გადასატანი საარჩევნო ყუთით მომსახურება

    ცესკო თვითიზოლაციაში მყოფ ამომრჩევლებს მიმართავს იაქტიურონ და მოითხოვონ გადასატანი საარჩევნო ყუთით მომსახურება

    27 ოქტომბერი, 2020

    ცენტრალური საარჩევნო კომისია (ცესკო) კიდევ ერთხელ მიმართავს თვითიზოლაციაში მყოფ ამომრჩევლებს, იაქტიურონ, დარეკონ ცესკოს სატელეფონო-საინფორმაციო ცენტრში და მოითხოვონ გადასატანი საარჩევნო ყუთით მომსახურება.

    დღეს, 27 ოქტომბრის 14:00 საათამდე დარეკეთ ტელეფონის ნომერზე 2-51-00-51 (0) და მოითხოვეთ გადასატანი საარჩევნო ყუთი. ზარების მიღება ამ წუთებშიც გრძელდება.

    შეგახსენებთ, რომ ცესკომ 26 ოქტომბერს გამართულ სხდომაზე მიიღო გადაწყვეტილება თვითიზოლაციაში მყოფი ამომრჩევლებისთვის გადასატანი ყუთის მოთხოვნის ვადის გახანგრძლივების შესახებ. გადაწყვეტილების თანახმად, აღნიშნული კატეგორიის მოქალაქეებს შესაძლებლობა მიეცათ 27 ოქტომბრის 14:00 საათამდე დააფიქსირონ თავიანთი მოთხოვნა. გადასატანი საარჩევნო ყუთით სარგებლობას შეძლებენ თვითიზოლაციაში მყოფი ის ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში.

    ამავე სხდომაზე  გადაწყდა, რომ 27 ოქტომბრის 18:00 საათამდე გახანგრძლივებულიყო მომართვის ვადა სპეციალურ საარჩევნო უბნებზე საარჩევნო პროცესში ჩართვის მიზნით დასარეგისტრირებლად როგორც საარჩევნო სუბიექტებისთვის, ისე ადგილობრივი და საერთაშორისო სადამკვირვებლო ორგანიზაციებისა და მედიასაშუალებებისთვის.

    საარჩევნო ადმინისტრაცია მიმართავს როგორც თვითიზოლაციაში მყოფ ამომრჩევლებს, ისე არჩევნებში ჩართულ მხარეებს, დროულად მოგვმართონ და გაიარონ შესაბამისი პროცედურები.  

    სრულად
  • თვითიზოლაციაში მყოფი ამომრჩევლებისთვის გადასატანი ყუთის მოთხოვნის ვადა გახანგრძლივდა

    თვითიზოლაციაში მყოფი ამომრჩევლებისთვის გადასატანი ყუთის მოთხოვნის ვადა გახანგრძლივდა

    26 ოქტომბერი, 2020

    ცენტრალური საარჩევნო კომისიის (ცესკო) გადაწყვეტილებით თვითიზოლაციაში მყოფი პირებისთვის გადასატანი ყუთის მოთხოვნის ვადა გახანგრძლივდა. თვითიზოლაციაში მყოფ ამომრჩევლებს შესაძლებლობა მიეცათ დაგვიკავშირდნენ 27 ოქტომბრის 14:00 საათამდე ნაცვლად 26 ოქტომბრის 22:00 საათისა და მოითხოვონ გადასატანი საარჩევნო ყუთის მომსახურება.

    უკვე მესამე დღეა სრული დატვირთვით მუშაობს ცესკოს სატელეფონო-საინფორმაციო ცენტრი და 25 ოპერატორი აფიქსირებს მოქალაქეების მოთხოვნებს. შეგახსენებთ, რომ გადასატანი საარჩევნო ყუთით სარგებლობას შეძლებენ თვითიზოლაციაში მყოფი ის ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში.

    აღსანიშნავია, რომ მოცემული დროისთვის გადასატანი საარჩევნო ყუთის მოთხოვნით ცესკოს სატელეფონო-საინფორმაციო ცენტრს მომართა 4000-ზე მეტმა ამომრჩეველმა და ამ წუთებშიც გრძელდება ზარების მიღება.

    საარჩევნო ადმინისტრაცია თვითიზოლაციაში მყოფ ამომრჩევლებს როგორც  სოციალური ქსელებისა და მედიის საშუალებით, ისე სატელეფონო შეტყობინებებით მიაწვდის ინფორმაციას ვადის გახანგრძლივების შესახებ. ამასთან, დამატებით ხვალ დილითაც, ოფიციალური განცხადების საშუალებით, კიდევ ერთხელ შეახსენებს აღნიშნული კატეგორიის ამომრჩევლებს იაქტიურონ, დარეკონ ცესკოს სატელეფონო-საინფორმაციო ცენტრში ტელეფონის ნომერზე 2-51-00-51 (0), 27 ოქტომბრის 14:00-მდე და დროულად მოითხოვონ გადასატანი საარჩევნო ყუთით მომსახურება.

    არჩევნებში ჩართული მხარეების, კერძოდ, საარჩევნო სუბიექტების, ადგილობრივი და საერთაშორისო სადამკვირვებლო ორგანიზაციების, მედიის საქმიანობის მაქსიმალურად ხელშეწყობისა და სპეციალურ საარჩევნო უბნებზე საარჩევნო პროცესში ჩართვის მიზნით, ცესკომ მიიღო გადაწყვეტილება მათთვისაც გაგრძელდეს რეგისტრაციის მოთხოვნის ვადა მიმდინარე წლის 27 ოქტომბრის 18:00 საათამდე.  

    შესაბამისად, მივმართავთ არჩევნებში ჩართულ მხარეებს, დროულად მომართონ საარჩევნო ადმინისტრაციას, რაც მათ მისცემს შესაძლებლობას დარეგისტრირდნენ ამომრჩეველთა სპეციალურ სიაში.

    სრულად
  • ცესკო კიდევ ერთხელ მიმართავს თვითიზოლაციაში მყოფ ამომრჩევლებს, დარეკონ ცესკოს სატელეფონო-საინფორმაციო ცენტრში და მოითხოვონ გადასატანი საარჩევნო ყუთი

    ცესკო კიდევ ერთხელ მიმართავს თვითიზოლაციაში მყოფ ამომრჩევლებს, დარეკონ ცესკოს სატელეფონო-საინფორმაციო ცენტრში და მოითხოვონ გადასატანი საარჩევნო ყუთი

    26 ოქტომბერი, 2020

    ცენტრალური საარჩევნო კომისია კიდევ ერთხელ მიმართავს თვითიზოლაციაში მყოფ ამომრჩევლებს იაქტიურონ, დარეკონ ცესკოს სატელეფონო-საინფორმაციო ცენტრში და მოითხოვონ გადასატანი საარჩევნო ყუთით მომსახურება.

    იმისათვის, რომ თვითიზოლაციაში მყოფმა პირებმა შეძლონ არჩევნებში მონაწილეობის მიღება და საკუთარი კონსტიტუციური უფლების რეალიზება, ცესკოში უკვე მესამე დღეა გამართულად და სრული დატვირთვით მუშაობს სატელეფონო-საინფორმაციო ცენტრი და 25 ოპერატორი დილის 10:00 სთ-დან 22:00 სთ-მდე აფიქსირებენ მოქალაქეების მოთხოვნებს.

    შესაბამისი უწყების მიერ გადმოცემული მონაცემების მიხედვით, 25 ოქტომბრის მდგომარეობით დაახლოებით 9000-მდე პირია რეგისტრირებული ბაზაში, რომლებიც არიან საარჩევნო ასაკის მქონე და კენჭისყრის დღისთვის იქნებიან თვითიზოლაციაში. ამასთან, აღნიშნული მონაცემები 26 ოქტომბრის მდგომარეობით დამატებით განახლდება.

    აღსანიშნავია, რომ მოცემული დროისთვის გადასატანი საარჩევნო ყუთის მოთხოვნით ცესკოს სატელეფონო-საინფორმაციო ცენტრს მომართა 1500-ზე მეტმა ამომრჩეველმა და ამ წუთებშიც გრძელდება ზარების მიღება.

    შეგახსენებთ, რომ ცესკოს სატელეფონო-საინფორმაციო ცენტრისთვის მომართვისა და ოფიციალური მოთხოვნის დაფიქსირების შემთხვევაში, გადასატანი საარჩევნო ყუთით სარგებლობას შეძლებენ თვითიზოლაციაში მყოფი ის ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში.

    შეგახსენებთ, რომ თვითიზოლაციაში მყოფი ამომრჩევლების მაქსიმალურად ინფორმირების მიზნით, საარჩევნო ადმინისტრაცია აწარმოებს აქტიურ საინფორმაციო კამპანიას. ამ დრომდე, ცესკომ შესაბამისი უწყების მონაცემთა ბაზაში რეგისტრირებულ 7000-მდე ამომრჩეველს გაუგზავნა სატელეფონო შეტყობინებები. აღსანიშნავია, რომ სატელეფონო შეტყობინება ეგზავნება ყველა პირს, რომელთაც მითითებული აქვთ საკონტაქტო ინფორმაცია.

    მნიშვნელოვანია, რომ სპეციალური უბნებისა და მისამართების მიხედვით გადანაწილდებიან თვითიზოლაციაში მყოფი პირები, რომელთა მოთხოვნა შეესაბამება გადასატანი ყუთით მომსახურების კრიტერიუმებს. შემდგომში ცესკოს განკარგულებით მტკიცდება ამომრჩეველთა სპეციალური სიები და აღნიშნული ამომრჩევლებისთვის რაოდენობის შესაბამისად დაიბეჭდება ბიულეტენები, რომლებიც კენჭისყრის დღემდე მიეწოდება საქართველოს მასშტაბით ყველა სპეციალურ უბანს.

    საარჩევნო ადმინისტრაცია შეახსენებს თვითიზოლაციაში მყოფ პირებს, რომ გადასატანი საარჩევნო ყუთის მოთხოვნის ვადა დღეს, 22:00 საათზე იწურება. შესაბამისად, კიდევ ერთხელ მივმართავთ მათ, დარეკონ ცესკოს სატელეფონო-საინფორმაციო ცენტრში ტელეფონის ნომერზე 2-51-00-51 (0) და დროულად მოითხოვონ გადასატანი საარჩევნო ყუთით მომსახურება.

    სრულად
  • ინფორმაცია 127 სპეციალური ჯგუფის შესახებ 

    ინფორმაცია 127 სპეციალური ჯგუფის შესახებ 

    26 ოქტომბერი, 2020

    სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების 2020 წლის 31 ოქტომბრის არჩევნებში მონაწილეობის მიზნით შექმნილ 127 საარჩევნო უბანში,  წილისყრის შედეგად გამოვლენილია 424 გადასატანი საარჩევნო ყუთი, 25 ოქტომბრის მდგომარებით არის 149 გადასატანი საარჩევნო ყუთის საჭიროება.

     

     

     
    სრულად
  • დაგვიკავშირდით 26 ოქტომბრის 22:00 საათამდე! - ცესკო აგრძელებს თვითიზოლაციაში მყოფი ამომრჩევლების ინფორმირებას

    დაგვიკავშირდით 26 ოქტომბრის 22:00 საათამდე! - ცესკო აგრძელებს თვითიზოლაციაში მყოფი ამომრჩევლების ინფორმირებას

    25 ოქტომბერი, 2020

    ცენტრალური საარჩევნო კომისია (ცესკო), კონსტიტუციური უფლების რეალიზების მიზნით, სამკურნალო სტაციონარულ დაწესებულებებსა და საკარანტინო სივრცეებში, მათ შორის თვითიზოლაციაში მყოფი ამომრჩევლებისთვის, უზრუნველყოფს 31 ოქტომბრის არჩევნებში მონაწილეობას.  

    საარჩევნო ადმინისტრაციამ როგორც პოლიტიკურ პარტიებთან, ისე სამოქალაქო სექტორთან და საერთაშორისო ორგანიზაციებთან კოორდინაციით მიიღო დადგენილება, რომლითაც რეგულირდება თუ როგორ ჩაერთვებიან კენჭისყრის პროცესში აღნიშნული მოქალაქეები.

    იმისათვის, რომ თვითიზოლაციაში მყოფმა საქართველოს მოქალაქეებმა შეძლონ არჩევნებში მონაწილეობის მიღება, ცესკოში უკვე მეორე დღეა ამოქმედდა სატელეფონო-საინფორმაციო ცენტრი. 25 ოპერატორი, რომლებმაც გაიარეს შესაბამისი სწავლება, 24-25-26 ოქტომბრის დილის 10:00 საათიდან 22:00 საათამდე უპასუხებენ თვითიზოლაციაში მყოფი მოქალაქეების ზარებს და დააფიქსირებენ მათ მოთხოვნას.

    თვითიზოლაციაში მყოფი ამომრჩევლები, რომელთა მონაცემებიც ოფიციალურად ფიქსირდება შესაბამისი უწყების მონაცემთა ბაზაში, ცესკოს სატელეფონო-საინფორმაციო ცენტრისთვის მომართვის შემთხვევაში, ისარგებლებენ გადასატანი საარჩევნო ყუთის მომსახურებით.  

    თვითიზოლაციაში მყოფი ამომრჩევლების მაქსიმალურად ინფორმირების მიზნით, საარჩევნო ადმინისტრაციამ აწარმოა აქტიური საინფორმაციო კამპანია. ამ დრომდე, ცესკომ შესაბამისი უწყების მონაცემთა ბაზაში საკონტაქტო ინფორმაციის მითითებით რეგისტრირებულ 3000-მდე ამომრჩეველს გაუგზავნა სატელეფონო შეტყობინებები და გრძელდება სმს-ების დაგზავნის პროცესი აღნიშნულ ყველა მოქალაქესთან.

    ამასთან, როგორც რეგიონულ და ადგილობრივ მედიაში, ისე სოციალური ქსელების საშუალებით ვრცელდება საინფორმაციო ვიდეო რგოლები თვითიზოლაციაში მყოფი ამომრჩევლების ინფორმირებისთვის.

    გაცნობებთ, რომ მოცემული დროისთვის გადასატანი საარჩევნო ყუთის მოთხოვნით ცესკოს სატელეფონო-საინფორმაციო ცენტრს მომართა 900-მდე ამომრჩეველმა, თუმცა გარკვეული რაოდენობის ზარები არ შეესაბამებოდა გადასატანი ყუთის სიაში შეყვანის კრიტერიუმებს.

    საარჩევნო ადმინისტრაცია მიმართავს თვითიზოლაციაში მყოფ ამომრჩევლებს, იაქტიურონ, 26 ოქტომბრის 22:00 საათამდე მომართონ ცესკოს სატელეფონო-საინფორმაციო ცენტრს ტელეფონის ნომერზე 2-51-00-51 (0)  და დროულად მოითხოვონ გადასატანი საარჩევნო ყუთით მომსახურება.

    სრულად
  • საინფორმაციო შეხვედრა საქართველოს პარლამენტის აპარატის წარმომადგენლებთან

    საინფორმაციო შეხვედრა საქართველოს პარლამენტის აპარატის წარმომადგენლებთან

    25 ოქტომბერი, 2020

    2020 წლის 23 ოქტომბერს, სწავლების ცენტრისა და საქართველოს პარლამენტის აპარატის თანამშრომლობის ფარგლებში საინფორმაციო შეხვედრა გაიმართა, რომელიც 2020 წლის 31 ოქტომბრის არჩევნებთან დაკავშირებული საკითხების განხილვას დაეთმო.  

    შეხვედრაში მონაწილეობა საქართველოს პარლამენტის აპარატის წარმომადგენლებმა მიიღეს, რომლებიც საქართველოში გასამართი არჩევნებისთვის საერთაშორისო სადამკვირვებლო მისიის ფარგლებში ჩამოსული საზღვარგარეთის ქვეყნების საპარლამენტო დელეგაციების და ასამბლეების წარმომადგენლებს პროტოკოლურ უზრუნველყოფას გაუწევენ.

    შეხვედრა ონლაინ ფორმატში ჩატარდა. სწავლების ცენტრის წარმომადგენელმა მონაწილეებს დეტალურად გააცნო: პანდემიის პირობებში არჩევნების უსაფრთხო გარემოში ჩატარებასთან დაკავშირებული რეგულაციები; კენჭისყრის დღის პროცედურები; საუბნო საარჩევნო კომისიების პროფესიული საქმიანობის ასპექტები; არჩევნებში ჩართული მხარეების, მათ შორის, საერთაშორისო დამკვირვებლების უფლებრივი მდგომარეობა კენჭისყრის პროცესში; ამომრჩეველთა საარჩევნო უფლებების რეალიზების მექანიზმი (მათ შორის, საკარანტინო ზონებში მყოფი და კოვიდინფიცირებული პირების არჩევნებში მონაწილეობის საკითხები).

    საინფორმაციო შეხვედრაში მონაწილეობა საქართველოს პარლამენტის აპარატის 17  წარმომადგენელმა მიიღო (მათ შორის, ქალი - 14, კაცი - 3).

    ღონისძიება სწავლების ცენტრსა და საქართველოს პარლამენტის აპარატს შორის 2018 წლის 3 მაისს გაფორმებული მემორანდუმის ფარგლებში ჩატარდა, რაც მიზნად ისახავს მხარეთა საერთო ინტერესების სფეროში შემავალ აქტუალურ საკითხებზე თანამშრომლობას ერთობლივი სასწავლო - საგანმანათლებლო პროექტების განხორციელების, რესურსების გაზიარებისა და მაღალი კომპეტენციის მქონე კადრების მომზადების ხელშეწყობის გზით.

    სრულად
  • საარჩევნო ბიულეტენების ბეჭდვა დაიწყო

    საარჩევნო ბიულეტენების ბეჭდვა დაიწყო

    23 ოქტომბერი, 2020

    დღეს საარჩევნო ბიულეტენების ბეჭდვის პროცესი დაიწყო. ამასთან დაკავშირებით ცენტრალურ საარჩევნო კომისიაში (ცესკო) საინფორმაციო ბრიფინგი გაიმართა. როგოც ცესკოს პრეს-სპიკერმა ანა მიქელაძემ განაცხადა, ბიულეტენები იბეჭდება 31 ოქტომბრის საქართველოს პარლამენტის, საკრებულოების შუალედური, მერების რიგგარეშე და აჭარის უმაღლესი საბჭოს არჩევნებისთვის.

    ბიულეტენების ბეჭდვის პროცესი რამდენიმე დღე გაგრძელდება და მას ცესკოს წევრებთან ერთად დააკვირდება 15 ადგილობრივი სადამკვირვებლო ორგანიზაციის 16 დამკვირვებელი.

    საერთო ჯამში, თბილისის 7 სტამბაში 3 725 საარჩევნო უბნისთვის დაიბეჭდება 7 102 600 ბიულეტენი. მათგან 3 160 900 განკუთვნილია საქართველოს პარლამენტის არჩევნებისთვის პროპორციული საარჩევნო სისტემით, 3 097 800 საქართველოს პარლამენტის არჩევნებისთვის მაჟორიტარული საარჩევნო სისტემით,  40 100 - საკრებულოს შუალედური არჩევნებისთვის, მერების რიგგარეშე არჩევნებისთვის - 219 800, ხოლო აჭარის უმაღლესი საბჭოს არჩევნებისთვის, ჯამში - 584 000 ბიულეტენი.

    „ამომრჩევლებს კენჭისყრის დღეს, საქართველოს პარლამენტის არჩევნებში მონაწილეობისათვის, გადაეცემათ ორი ბიულეტენი როგორც მაჟორიტარული, ისე პროპორციული საარჩევნო სისტემით. იქ, სადაც ასევე ტარდება საკრებულოს შუალედური არჩევნები, კერძოდ, თბილისის, თელავის, თეთრიწყაროსა და ონის მუნიციპალიტეტების 39 საარჩევნო უბანზე, ამომრჩევლები მიიღებენ 3 ბიულეტენს; კასპის, ონის, ხარაგაულის, თერჯოლისა და ქუთაისის მუნიციპალიტეტებში, ჯამში 255 საარჩევნო უბანზე, ამომრჩევლები საქართველოს პარლამენტის არჩევნების ბიულეტენთან ერთად ასევე მიიღებენ მუნიციპალიტეტის მერის ასარჩევ ბიულეტენს. აღსანიშნავია, რომ ონის მუნიციპალიტეტის მხოლოდ ერთ საარჩევნო უბანზე, ვინაიდან იქ საქართველოს პარლამენტის არჩევნებთან ერთად, ასევე ტარდება საკრებულოს შუალედური და მერის რიგგარეშე არჩევნები, ამომრჩევლები მიიღებენ 4 ბიულეტენს.  რაც შეეხება აჭარას, ვინაიდან 31 ოქტომბერს იმართება აჭარის უმაღლესი საბჭოს არჩევნებიც, ამომრჩევლები მიიღებენ 4 ბიულეტენს - ორს საქართველოს პარლამენტის, ხოლო ორს - აჭარის უმაღლესი საბჭოს არჩევნებისთვის“,-განაცხადა მიქელაძემ.

    მისივე თქმით, კანონმდებლობის თანახმად, ზუსტი აღრიცხვის მიზნით, საარჩევნო ბიულეტენები თანმიმდევრობით დაინომრება და 50-50 ცალად აიკინძება ბლოკნოტების სახით. თითოეულ საარჩევნო უბანს ამომრჩეველთა რაოდენობიდან გამომდინარე, გადაეცემა 50-ის ჯერადი ოდენობის ბიულეტენი.

    აღსანიშნავია, რომ ბიულეტენები ასევე დაიბეჭდება ეთნიკური უმცირესობების ენებზე: ქართულ-აზერბაიჯანული ბიულეტენები მიეწოდება 213 საარჩევნო უბანს, ხოლო ქართულ-სომხური - 135 საარჩევნო უბანს.

    ცენტრალური საარჩევნო კომისია კანონით განსაზღვრულ ვადებში (არჩევნების დღემდე არაუგვიანეს მე-2 დღისა), საოლქო საარჩევნო კომისიებს გადასცემს ბიულეტენებს. საოლქო საარჩევნო კომისიები კენჭისყრის დაწყებამდე არაუგვიანეს 12 საათისა უზრუნველყოფენ ბიულეტენების მიწოდებას საუბნო საარჩევნო კომისიებისათვის.

    საარჩევნო ადმინისტრაციის მიერ ასევე იბეჭდება როგორც ამომრჩეველთა სამაგიდო (ფოტოსურათიანი), ისე სიის საჯარო (კედლის) ვერსია და ამომრჩეველთა ბარათები.

    საბოლოო მონაცემებით, ამომრჩეველთა ერთიან სიაში საერთო ჯამში რეგისტრირებულია 3 526 022  ამომრჩეველი.

    სრულად
  • საინფორმაციო შეხვედრა საქართველოში მოქმედი უცხო ქვეყნის საელჩოებისა და დელეგაციების წარმომადგენლებთან

    საინფორმაციო შეხვედრა საქართველოში მოქმედი უცხო ქვეყნის საელჩოებისა და დელეგაციების წარმომადგენლებთან

    23 ოქტომბერი, 2020

    2020 წლის 23 ოქტომბერს, ცესკოს თავმჯდომარემ თამარ ჟვანიამ და სწავლების ცენტრის დირექტორმა ნათია ზაალიშვილმა უცხო ქვეყნის საელჩოებისა და დელეგაციების წარმომადგენლებთან საინფორმაციო შეხვედრა გამართეს, რომელიც 2020 წლის 31 ოქტომბრის არჩევნებთან დაკავშირებული საკითხების განხილვას დაეთმო.

    ცესკოს თავმჯდომარემ ის მნიშვნელოვანი ინიციატივები და აქტივობები მიმოიხილა, რომელსაც საარჩევნო ადმინისტრაცია პანდემიის პირობებში არჩევნების უსაფრთხო გარემოში ჩატარების  უზრუნველსაყოფად ახორციელებს.

    სწავლების ცენტრის დირექტორმა საქართველოში მოქმედი უცხო ქვეყნის საელჩოებისა და დელეგაციების წარმომადგენლებს მიაწოდა დეტალური ინფორმაცია არჩევნებთან დაკავშირებულ სხვადასხვა მნიშვნელოვან საკითხებზე, მათ შორის:

    საარჩევნო სისტემასთან და არჩევნებში ქალთა ჩართულობის ზრდის ხელშეწყობასთან დაკავშირებული ძირითადი საკანონმდებლო სიახლეები; პანდემიის პირობებში არჩევნების უსაფრთხო გარემოში ჩატარებასთან დაკავშირებული რეგულაციები; საარჩევნო კომისიების პროფესიული გადამზადების მიმართულებით განხორციელებული ღონისძიებები; ამომრჩეველთა ინფორმირების კამპანია და ჩართულ მხარეებთან განხორციელებული საინფორმაციო/სასწავლო პროგრამები; ამომრჩევლებისა და ჩართული მხარეებისთვის თანამედროვე ტექნოლოგიების გამოყენებით შეთავაზებული საარჩევნო სერვისები; არჩევნების სანდოობისა და უსაფრთხოების ხელშეწყობის უზრუნველსაყოფად გატარებული მექანიზმები (მათ შორის, ეთიკის კოდექსების გაფორმება ჩართულ მხარეებთან, ადმინისტრაციული რესურსების არამართლზომიერად გამოყენების პრევენცია, საარჩევნო ადმინისტრაციის და პოლიციის ტრენინგი არჩევნების უსაფრთხოების საკითხებზე, დეზინფორმაციისა და სიძულვილის ენის გავრცელების პრევენცია); ინკლუზიური საარჩევნო გარემოს ხელშეწყობის მიმართულებით განხორციელებული ღონისძიებები, საკანონმდებლო სიახლე ადაპტირებულ საარჩევნო უბნებთან მიმართებით და სასწავლო პროგრამები მოწყვლადი ჯგუფებისთვის (მათ შორის შშმ პირებისთვის).

    შეხვედრის მონაწილეებს ასევე მიეწოდათ სტატისტიკური მონაცემები 2020 წლის 31 ოქტომბრის არჩევნებისთვის რეგისტრირებული საარჩევნო სუბიექტების, მათი წარმომადგენლების, დამკვირვებლებისა და მედია საშუალებების შესახებ.

    შეხვედრის ბოლო ნაწილი კითხვა-პასუხის რეჟიმში გაგრძელდა, რომლის ფარგლებშიც სწავლების ცენტრის დირექტორმა მონაწილეებს ამომწურავი ინფორმაცია მიაწოდა კენჭისყრის დღეს მოქმედი ეპიდემიოლოგიური პროტოკოლის თაობაზე და არჩევნებთან დაკავშირებული მათთვის საინტერესო სხვა საკითხების შესახებ.

    საინფორმაციო შეხვედრა სსიპ - საქართველოს საგარეო საქმეთა სამინისტროს ლევან მიქელაძის სახელობის დიპლომატიური სასწავლო და კვლევითი ინსტიტუტის მხარდაჭერით ონლაინ ფორმატში ჩატარდა. შეხვედრას ესწრებოდა საქართველოში მოქმედი უცხო ქვეყნის საელჩოებისა და დელეგაციების 12 წარმომადგენელი, მათ შორის: ავსტრიის რესპუბლიკა (ელჩი); იტალიის რესპუბლიკა (მისიის ხელმძღვანელის მოადგილე); გერმანიის ფედერაციული რესპუბლიკა  (მისიის ხელმძღვანელის მოადგილე); საბერძნეთის რესპუბლიკა (მისიის ხელმძღვანელის მოადგილე); ჩეხეთი (მისიის ხელმძღვანელის მოადგილე); ნორვეგიის სამეფო (მრჩეველი პოლიტიკურ და ეკონომიკურ საკითხებში); ევროკავშირის დელეგაცია საქართველოში (ელჩის მრჩეველი, ელჩის მდივანი) შვედეთის სამეფო (მეორე მდივანი პოლიტიკურ საკითხებში); ლიეტუვის რესპუბლიკა (მესამე მდივანი); უნგრეთი (კონსული); იაპონია (ოფიცერი პოლიტიკურ და ეკონომიკურ საკითხებში).

    სრულად
  • ეთნიკური უმცირესობების საკითხებზე მომუშავე ჯგუფის შეხვედრა

    ეთნიკური უმცირესობების საკითხებზე მომუშავე ჯგუფის შეხვედრა

    22 ოქტომბერი, 2020

    2020 წლის 31 ოქტომბრის საქართველოს პარლამენტის არჩევნებისთვის ეთნიკური უმცირესობების მიმართულებით განხორციელებული საქმიანობის შესახებ იმსჯელეს დღეს დისტანციურად, ონლაინ ფორმატში გამართულ შეხვედრაზე.

    ეთნიკური უმცირესობების საკითხებზე მომუშავე მუდმივმოქმედი ჯგუფის შეხვედრა ცესკოს კოორდინაციის, დაგეგმვისა და ანგარიშგების დეპარტამენტის უფროსმა სოფიო სიჭინავამ გახსნა. ადმინისტრაციის მიერ განხორციელებული საგანმანათლებლო პროგრამები, ეთნიკური უმცირესობების არჩევნებში მონაწილეობის უზრუნველყოფა, ინფორმაცია საგრანტო კონკურსების შესახებ, ეს ის მცირე ჩამონათვალია, რომელზეც ჯგუფის წევრებმა დეტალური ინფორმაცია მიიღეს. 31 ოქტომბრის არჩევნებისთვის, საარჩევნო სისტემების საერთაშორისო ფონდთან (IFES) თანამშრომლობით უზრუნველყოფილი იქნება საარჩევნო დოკუმენტაციისა და სხვა საინფორმაციო მასალების სომხურ და აზერბაიჯანულ ენებზე თარგმანი.

    შეხვედრაზე საუბარი, ასევე შეეხო პანდემიის პირობებში არჩევნების ჩატარებასა და კენჭისყრის დღის ეპიდემიოლოგიურ პროტოკოლს, რომელიც საარჩევნო ადმინისტრაციამ ჩართულ მხარეებთან კონსულტაციების შედეგად შეიმუშავა. ცესკოს წევრმა დიმიტრი ჯავახაძემ ჯგუფის წევრებს სტაციონარულ სამკურნალო დაწესებულებებსა და იზოლაციაში (კარანტინი, თვითიზოლაცია) მყოფი ამომრჩევლების კენჭისყრაში მონაწილეობისთვის აუცილებელ რეგულაციებთან დაკავშირებით მიაწოდა ინფორმაცია.

    სრულად

სიახლე